{ SKIP }
文:MenClub 波特先生  圖:互聯網
POSTED ON 23 Nov 2018

今年夏天,三次總冠軍得主LeBron James決定再一次離開騎士,第一次轉戰西岸加盟湖人。對於湖人黎講,佢地自Kobe Bryant退役後終於成功簽下一位NBA頂級球員,而唔單止球隊能夠即時提升實力,連帶一眾球員亦能夠從呢位NBA歷史最佳球員之一身上學習,其中便包括年輕得分手Kyle Kuzma。

目前為止,Kuzma只係同LeBron打左大慨三個月波,不過Kuzma已經表示從LeBron及Rajon Rondo等老將身上學到非常多嘅野。

第一:每一個回合你都需要高度專注,因為只要你有一個回合不留神,你就會被大大打擊。明顯Kuzma已經察覺到自己以往會有不集中嘅時間,但如今已經明白要想奪冠自己要怎樣做。

第二:每一次比賽、每一次練習,你都需要建立總冠軍的習慣,但呢樣野並唔係你想學就學到,你必須有一位曾經奪得過總冠軍嘅球員對你進行指導。

第三:學懂如何保護自己的身體。好像LeBron已經33歲,但佢仍然保持住最頂級嘅狀態,而佢嘅訓練及飲食習慣將提早話比Kuzma知如何延長自己嘅習業生涯。

第四:職業態度。就算你已經係最頂級嘅球員,LeBron仍然會保持最早黎到訓練場地,試想想最出色嘅球員都比你有更多訓練,試問你點會可以比自己坐喺場邊咩都唔做呢?

就喺LeBron加盟湖人後,Kuzma今季場均得分由16.1分增加至16.9分,投射命中率則由45%增加至47.6%,不過三分球命中率卻由36.6%下跌至29.6%。雖然係咁,整體上Kuzma嘅表現仍然係成熟左,能夠近距離睇到「NBA第一人」LeBron,相信有上進心嘅Kuzma一定會加快進步嘅步伐的。

如果有呢個機會嘅話
hobby
【影視】Bryan Cranston唔介意出演《Better Call Saul 絕命律師》
11 Aug 2020
如果哆啦A夢有真人版,可能真係日本搞笑藝人渡邊直美最合適
hobby
【習慣重口味】渡邊直美真人版哆啦A夢其實已經好正常
11 Aug 2020