無線耳機應該是呢個世代其中一件必須品，搭車睇片聽歌甚至講電話，一部無線耳機就可以投入自我的世界又可以做哂所有電話做到的野但唔會嘈住其他人。不過真無線耳機的市場選擇多唔知點選，個人就會從實用性和價格以及實際舒適度去選擇。丹麥的品牌Jabra算係市場上其中一個最可靠的真無總耳機品牌同型號，其中較高階型號Elite Active 65t除左有無線降噪等功能仲有搭載動作感測器及運動表現追蹤功能，要合哂所有要求，相信選擇係得個幾個，最新出的紅色禮品裝Elite Active 65t好似係唔錯的True Wireless之選。跑步運動聽歌通話，同新出紅色夠紅運當頭！

老老實實，小編買過3數百的淘寶無牌真無線耳機，用後發現幾個大問題，其中通話能力極差，對方會覺得老遠完全聽唔到你講野，通話唔掂就平都無用，Jabra Elite Active 65t有通話等化器，同埋「Side Tone」（側音）功能，可以調整通話時聽到幾多自己的聲音，令免提通話更加自然。呢個功能係選擇無線耳機時非常重要，見過鬼都怕黑，有D錢唔省得。

另外，跟機有app設置和使用便捷性大大提高，用《Jabra Sound+》app 可以記錄用家的運動表現,備有動作追踪功能量度走路或跑步步數等，就算放假運動都可以有數得跟，感覺上都好像「健康」左。此外通話同聽歌配合其降噪功能，絕對讓聽歌時容易獲得最寧靜的感覺。

今次Jabra推出最新紅色版本，其實就同7月時推出的 Copper Blue的Elite Active 65t無分別，只不過多左紅色節目氣氛濃烈送禮自用都ok。

同之前的Jabra Elite Active 65t 一樣，都係防水防塵防汗IP5,6, 耳機粒粒本身很輕（右耳為6.5g，左邊為5.8g），重點應是非常舒適。每粒都有一個膠質製成手感唔錯，每個都有一個小突起朝向你嘴位置，可方便用咪高峰撥打電話。呢個比較有趣是左同右唔同的，右邊粒藍芽有一個中央按鈕，用於call out接聽電話，暫停和播放音樂，以及允許環境噪音進出(即降噪設置); 左側粒則有兩個小按鈕，用於音量和音軌跳越（按下更長的按鈕）。

ps:記得初期買回來時耳機是處於中度音量，最初試用時覺得手機開盡都咁細聲，原來是要手動用左邊耳機再手動調大細聲

Jabra Elite Active 65t 每次充電可以連續用5個鐘，連埋個盒仔可以叉滿2次電，即能提供長達 15 小時的音樂播放續航能力，用一日都應該卓卓有餘，再不然仲可用快叉功能高速充一充電，充電15分鐘即可獲得90分鐘的續航時間。電力應不成問題！

建議零售價係港幣$1,499。話平就唔平囉，不過新的一年用個好少少的耳機都好正路。(自從上次淘左部淘寶耳機用到發火後我應承自己垃圾無牌耳機慎選，即時買返大牌子正路之選) Jabra丹麥牌子各方面都有更好的保障，而且真正用過係返唔到轉頭(指方便同實用性)。至於你話音質ok la ，我覺得如果你唔係古典樂的超級發燒友，一般聽歌絕對收貨，唔好忘記，這是一部藍芽5.0的無線耳機，不是發燒有線音響級耳機。賣的是超越性全能

規格

• 包裝尺寸（長x寬x高）：12.4 x 5.5 x 18.65cm。
• 主體尺寸：長 27 x 寬 30 x 高 22.5mm，充電盒 長 72 x 寬 51 x 高 26.5mm。
• 重量：6.5g 右耳機 5.8g 左耳機，充電盒 67g。
• 使用材質（外部）：PC/ABS 塑膠、矽膠、PMMA 塗料、鍍金線。
• 線長：300 mm。
• 保固：1年（透過應用程式註冊可享2年防塵及防潑水保固）。
• 被動消噪：有。
• 環境噪音抑制：有，4麥克風系統。
• 風噪聲防護：有，4麥克風系統 + 開放式音腔設計。
• 揚聲器尺寸：6.0 x 5.1mm。
• 揚聲器靈敏度：在1kHz/1mW之下為103dBSPL。
• 揚聲器阻抗：在1kHz之下為16Ω±15%。
• 揚聲器最大輸入功率：8mW。
• 揚聲器頻率範圍：20Hz – 20kHz。
• 麥克風種類：4 x MEMS。
• 麥克風靈敏度：-38 dBV/Pa。
• 麥克風頻率範圍：100Hz – 10kHz。
• 麥克風頻寬：100Hz – 8kHz。
• 認證：藍牙5.0、CE、FCC、IC、RoHS、REACH、MFI、proposition65。
• 耳機型式：入耳式。
• 自動開啟電源：從充電盒中取出耳機時。
• 自動暫停播放：從一耳取下耳機即自動暫停。
• 通話時間：15小時（包括在充電盒中充電 2 次）。
• 待機時間：失去連線 15 分鐘後自動關閉，或無活動 60 分鐘後自動關閉。
• 充電時間：以專用USB壁式充電器(500mA)充飽電，2小時。
• 接頭：Micro USB。
• NFC：無。
• 藍牙規格：藍牙5.0。
• 操作範圍：最遠10公尺。
• 配對裝置：最多8台，可同時連接2台裝置。
• 多機連接：可同時連接2台裝置。
• 具有A2DP、AVRCP、PBAP與雙待機功能。
• 操作溫度：-10°C至55°C。
• 存放溫度：-20°C至65°C。
• 加速計：利用整合式動態感應器追蹤你的體能及運動表現。