運動世界當中更改年齡可以話相當常見，其中足球及籃球就曾被多次發現，他們大多都會將自己改細3-5歲，但近日卻有一單夠膽死將自己改細12歲！

近日，一名印度超級聯賽嘅球員Gourav Mukhi，本來登記時嘅歲數為16歲，而佢一直喺青年隊踢都相安無事的。不過，後來Gourav Mukhi代表球隊喺超聯中上陣，佢後備入替成功為球隊攻入一球從而扳平比數。

更甚嘅係，Gourav Mukhi成為印超聯「最年輕」嘅入球者，再加上係球隊英雄，Gourav Mukhi隨即被報章大肆報導。不過，有球迷眼見Gourav Mukhi個樣同16歲好似有一段距離，所以要求印超聯官方撤查其真實年齡。

最終，印超聯官方證實Gourav Mukhi真係報細數，佢真實年齡竟然係28歲，亦即係佢足足報細左12年！隨後，印超聯官方向Gourav Mukhi進行處罰，對佢進行6個月禁賽，並且係即時生效。

其實今次已經唔係Gourav Mukhi報細數，佢早喺2015年就曾經虛報自己15歲，而印度嘅U17隊更向Gourav Mukhi進行征召，但最終被發現其年齡原來係報細數，所以即時被開除出隊。但係今次印超聯竟然可以咁失暈，又一次被Gourav Mukhi得呈，實在令人質疑官方做野究竟有幾求其！