音響玩家中，玩黑膠的發燒友最有玩味以及品味，一般黑膠友除了愛音樂仲要有閒情逸致，播放黑膠需要的是心機和雅興，從器材設置到黑膠保養每一範都係不能忽視，加拿大黑膠配件廠Stable 33.33有15年玩膠歷史，推出左一款非常美觀，玩黑膠之雅士才能理解的黑膠玩意配件

《Vinyl Transit Platter》，我覺得可以試下叫佢做黑膠運轉大輪盤，咁佢到底有咩用，主要是比膠友播歌換碟時，將隻播放碟取出再先放落黑膠運轉大輪盤做過渡等你可另一邊放入新播放碟，然後好優雅又好型咁放在機旁，等你搞掂哂播放，再慢慢從黑膠運轉大輪盤中取起張碟，再掃兩下清潔二下，再好優雅地入返落黑膠封套當中？都唔明？你玩黑膠先會明！唔明睇下都覺得產品幾靚！

只有玩黑膠你才理解，當你播歌播完一張想換碟，一般先取起張黑膠再去入返個封套，再去取新碟再取出再落機播放，呢個盤的作用就是臨時可先將播放中的碟放落呢個輪盤中作臨時的轉移保護，作用就係咁簡單。

呢個咁獨特的 黑膠運轉大輪盤是膠友真正的有用方案，可以避免在轉盤上更換唱片時刮傷貴重的黑膠珍藏，或者第二個主要用返是在完成清潔洗黑膠後後放置涼乾它。

廠方話呢個咁簡單的東西採用軍事精確設計，設計非常巧妙 ，會成為任何黑膠用戶的必需品。

我只覺得呢個玩具設計幾靚，非常有型，相信買佢放在家為的都是優雅地型到盡頭，價值是大約800幾港幣，對於買張黑膠都500的黑膠發燒友，呢個玩具玩得黑膠的朋友都應該買得起！