嘩！黃金的Netflix日日都有新大作宣佈，看來為對戰迪士尼+為首的影視串流爭霸戰，誓要做足最強裝備，最新的大作係宣佈會以「真人版」重製90年代未極受歡迎的日本動畫大作《星際牛仔Cowboy Bebop》，而呢部動畫非常之唔簡單，曾被譽為史上最佳動漫之一。唔知你有無回憶係裡面？

《星際牛仔》是日本SUNRISE動畫公司製作的電視動畫，最先於1998年播出，同年奪得第三回神戶動畫獎的年度最佳電視動畫獎，並於2000年獲得日本科幻大會星雲獎。係一套不可多得有深度又細膩的Jazz音樂大作，其音樂公認非常好聽配合劇情進展。

故事屬於科幻式設定背景係2071年。整部動畫採用濃厚動聽的爵士樂風格，故事描述駕駛飛船 BEBOP 號在宇宙中以捉拿逃犯獲取獎金為生的賞金獵人「Spike 」和「Jet」。兩人在星際間的旅程中，結識了身負巨債、嗜財如命的美女「Faye 」和電腦神童「Edward 」，並收養了擁有高智商的數據狗「Ein」。眾人遊蕩在廣闊之宇宙之中，在自己與他人的生活中經歷著種種悲歡離合，也尋找著各自的過去。

據知Netflix將會真人拍出一季10集的真人劇集，由原動畫的編劇渡邊信一郎將擔任顧問。第一話的故事將由《雷神奇俠3：諸神黃昏》Christopher Yost負責。

當然邊位去演繹幾位主角係大家關注的重點，尤其是性感的女主角!!!~~

播出日期就未定，不過資深又睇過《星際牛仔Cowboy Bebop》的動畫迷一定對此作真人版充滿期待，未睇過的朋友也有機會一睹呢部史上最佳動漫的真人版本。