當3D打印技術日益發達之際，愈來愈多唔同的產品都開始應用3D打印技術，最新玩意，你可以3D打印黑膠轉盤，當然前題你要有一部3D打印機，無都唔緊要，都可以買kit set自己砌一部，荷蘭音響公司Lenco-MD日前係眾籌網Kickstarter推出左第一部全3D打印的黑膠轉盤，以模組化設置，顏色多變，200美金唔算太貴。只要你等得唔急，有1772蚊港幣閒錢，可以考慮加入黑膠的行列。

Lenco本身都係一間會推出影音的公司，其黑膠唱盤本身已經有一定名氣，HMV都有出售佢地的平價入門黑膠盤，不過在音響的世界中算得上是最入門的玩具。今次 Lenco-MD聲稱是世界上第一款3D打印模塊化轉盤，而且今次出售最平是99蚊美金，不過就只是賣個版權比你自己印！(假如你有3D打印機的話！)當然正常人家應該最平是參與其199美金的最入門kit set計劃，成部機的部件都可以個性化設計選擇唔同的顏色。Lenco可以為你做3D打印你選擇的色彩膠盤。

Lenco-MD 的Kickstarter聚籌活動，目標是在投入生產之前獲得50,000美元的資金。這是轉盤製造商Lenco（曾推出著名黑膠盤L-85的生產商）和3D打印機生產商RepRapUniverse之間的合作商業計劃。

呢部Lenco-MD膠盤與同廠出的人氣產品L-85一樣，擁有一系列鮮豔的顏色可供選擇，網上聚籌Lenco-MD提供更多顏色選擇。轉盤由皮帶傳動平台帶動具有內置唱機，RCA輸出和耳機連接輸出。有一個特別設計的唱臂，它配有AT3600 Audio-Technica唱頭連唱針。至於模塊選項，它們將包括有至多額外選擇例如太陽能充電電池和無線藍牙模組塊選項等加配。廠方仲承諾可能推出更多唔同選項。

3D打印會唔會成為影音平民化的趨勢呢？平民影音廠Lenco當然希望如此。該公司仲計劃推出一個online用家平台，供玩家們共享轉盤設計和模塊創意。但首先，它需要達到它的Kickstarter籌募預算做左第一步先講。

200美金買個玩具玩下，應該好多人玩得起，Lenco公司也有頭有面，應該穩紮唔會走數，不過眾籌有排等就係人都知，而家落訂比足錢，最快交貨期就算唔延期都要2019年4月，對於心急的港人來講，都唔係咁易適應。