曾喺歐聯決賽犯下大錯嘅利物浦門將卡利奧斯，今季被外借至土超球隊比錫達斯。本來以為佢可以喺較低級別嘅聯賽重捨自信企番起身，但估唔到佢竟然接二連三不斷犯錯，實在係令人無眼睇。

喺啱啱嘅歐霸盃賽事中，比錫達斯面對薩普斯堡，全場下來雖然以3:2擊敗對手，但係卡利奧斯卻兩次犯錯令球隊先失兩球，要知道如果呢場比錫達斯輸波，球隊就好大機會小組賽出局，所以卡利奧斯嘅犯錯絕對係唔能夠原諒的。

講番卡利奧斯嘅犯錯，首先佢面對對方未完全嘅單刀，竟然選擇衝出禁區想剷對方個波，點知完全踢唔中之下，對方輕鬆面對空龍破門。要知道當刻其實有後防正全力包抄對方，卡利奧斯如果繼續留喺禁區中，對方一定無咁容易得手。

而第二球卡利奧斯企嘅位置處於小禁區邊緣，誰不知對方喺禁區外30多碼位置起腳將卡利奧斯笠死，講緊係連撲嘅機會都無，可想而知卡利奧斯究竟失位嘅情況有幾嚴重。

睇見當日呢位曾經係利物浦嘅首席門將，如果好似完全唔識守龍，失魂落魄咁都真係令人心酸....