{ SKIP }
文:MenClub 波特先生  圖:互聯網
POSTED ON 07 Dec 2018

湖人今夏成功簽下「NBA第一人」LeBron James,絕對算得上係空前成功,雖然如今其身邊只係一班綠葉及年輕球員,但係喺「大帝」嘅帶領下近年長期缺席季後賽嘅湖人已經佔據住西岸第5位,重返季後賽絕對大有機會。

不過,湖人嘅目標又點會只係重返季後賽呢?好似球隊傳奇Kobe Bryant日前就誇下海口指湖人好快就可以再次奪冠,並向勇士展示勝利者嘅笑容。但係以目前嘅陣容,湖人絕對未有能力挑戰勇士西岸霸主嘅地位,佢地需要將陣容再次升級!

而最新傳出嘅消息指,湖人將好大機會啟動一次大交易,其中佢地將要帶黎嘅巨星將會係鵜鶘核心Anthony Davis!當然,湖人要想得到呢位攻防一體嘅頂級內線,將要付出巨大嘅代價,而目前傳出嘅可能性係送出Lonzo Ball、Brandon Ingram及Kentavious Caldwell-Pope,亦即係代表湖人將送走球隊嘅未來。

但湖人話事人Magic Johnson又點會亂黎,好明顯佢係想喺LeBron James下滑前嘅呢2-3年幹一番大事業,所以為佢帶黎巨星級幫手將大大增加奪冠嘅機會。而Davis將可以大幅增強湖人嘅內線實力,同時其攻防一體嘅能力亦絕對係球隊爭冠嘅必備因素。

另外,Davis較早前已經與LeBron好友Rich Paul嘅經理人公司簽約,亦即係基本上佢已經加入到LeBron嘅一方,咁樣加盟湖人就更加順利成章。

再睇目前鵜鶘嘅戰績,雖然Davis加上Holiday、Randle及Mirotic表現其實不俗,但係就仍然只係排名西岸第11位,要想打入季後賽並唔簡單。就Davis理想黎講,佢當然想繼續留喺鵜鶘,為球隊盡力去爭取總冠軍,但係現實卻非常難實現,與LeBron聯手亦不失為一個可行嘅方法。

記住留意我地MenClub嘅直播啦!
hobby
【MenClub獨家直播】拳手潘啟情除夕爭兩腰帶!
18 Dec 2018
【HMV零售清盤】全港HMV今日結業過唔到聖誕.慘 還記得從前,當偶像出碟好多人都會連鎖CD影音店購買CD或相關影音產品,買隻PS game都係去HMV,自從Hk records執笠後,HMV都捱了好一段日子,2013年英國的HMV就傳出 ...
hobby
【HMV零售清盤】全港HMV今日結業過唔到聖誕….慘
18 Dec 2018