杜克大學目前擁有去年全美前三嘅三位高中生同時加盟，實力可以話達到史詩級別的，而其中小前鋒Zion Williamson就更加係當中最亮眼嘅一位，其全面嘅身心及NBA級別嘅身型令佢成為明年夏天NBA選秀狀元嘅大熱門之一。

6呎7吋高，體重達到285磅嘅Williamson，但係唔好睇佢好似好重咁，其彈跳力絕對係令人震驚，再加上其移動速度加成，佢喺場上就有如一座會移動嘅大山！

而日前有物理學家對Williamson進行左分析，分析指Williamson嘅自身能夠產生嘅最大衝擊力達到300磅，亦即係等於一部吉普車以時速16km/h移動一樣！

雖然咁樣比較好似較難明白，又或者好似有啲誇張，但係當你睇番Williamson過去嘅比賽片段，特別係如果想喺籃下對其犯規，換黎嘅可能被佢撞飛，又或者被吹罰犯規同時佢毫無影響下完成2+1。

當然，Williamson嘅身型可以喺高中及NCAA中橫行，但未來加入NBA後，其身型優勢將必定會大幅減少，屆時佢究竟能唔能夠繼續打出統治性嘅表現，又或者增加自己嘅進攻武器勢必成為關鍵！