2018/2019 香港世界盃場地單車賽，即將於明年1月25至27日於香港單車館舉行，屆時各位單車迷又可以近距離見到「牛下女車神」李慧詩、梁峻榮及張敬樂等香港代表，全力為港爭光。

今次世界盃地場單車賽一共分6個分站，其中香港係賽事嘅最後一站，屆時將有300多位世界頂級場地單車選手到場戰開激戰，佢地除左爭取賽事獎牌之外，亦都全力為2020年東京奧運嘅資格而戰。

作為本港焦點車手，李慧詩較早前喺法國及加拿大分站已先後奪得兩面爭先賽金牌及一面凱林賽銅牌，但其後嘅德國分站Sarah卻因為學業所以未有參加。而今次回到主場，相信Sarah一定會傾盡全力，為香港盡力爭取最多嘅獎牌。

男子隊方面，梁峻榮及張敬樂喺年初嘅世界盃分站成功奪得麥迪遜賽金牌，今次回到主場會否再有佳績絕對令人期待。

香港世界盃場地單車賽

日期：2019年1月25-27日

地點：將軍澳香港單車館

票價：$50-$200，另設特惠票$30-$100

售票日期：即日起發售