較早前，生涯22連勝嘅香港拳王曹星如宣佈退出職業世界，轉以業餘拳手嘗試完夢挑戰奧運。而目前戰績6勝1負(3KO)嘅22歲職業拳手潘啟情Raymond，將接捧Rex繼續喺職業世界為港爭光，其中佢喺今年除夕12月31日將會到澳門挑戰WBC輕蠅量級(108磅)世界青年國際洲際腰帶，及力求衛冕WBC ABCO輕蠅量級亞洲洲際腰帶。

而今次除夕拳賽，MenClub將全力支持Raymond，我地將會專程到澳門將賽事帶比所有MenClub及支持Raymond的Fans，屆時我地將會現場直播Raymond的拳賽，各位香港拳迷一定要支持呢位香港嘅代表！

Raymond自2016年5月出道以黎，至今7戰錄得6勝1負，實力備受WBC委員認同，因此獲得今次挑戰青年國際洲際冠軍嘅機會，可以為明年挑戰世青金腰帶鋪路，要知道呢條金腰帶係當年嘅曹星如亦錯失嘅榮譽。

而Raymond今次嘅對手係黎自泰國嘅新秀艾獲特沙諾路斯，呢位年輕拳手今年只有19歲，戰績為4勝1和1負(4KO)，對於呢位對手Raymond自言不太了解對方，但認為自己訓練足夠，將有能力應該10個回合嘅賽事，體能上應該不成問題。