日本好興有雜誌出品附送各種比書籍更貴更精美的套件，常見有包包、玩具等組裝品，音響書都會跟書送野，但附送成部膽機Kit set就相信好值得搶購，部機仲要掛日本音響大廠Luxman的大名。日本音樂之友社[ONTOMO MOOK]將於12月19日發布Mook書籍“Recording！Enjoying of Vacuum Tube Amplifier”隨書附送Luxman製造的小型合併膽機套件。價格是16,200円日元。即約1100港幣！！我唸你去唔切日本搶購吧？

 其實都可以上amazon.co.jp試下訂購再集運

呢個叫做回憶真空管擴音機特別附錄：真空管(膽)由Luxman Hybrid組件擴音機製成·套件Stereo版本

其實這個已經是該書第二波系列，非首次出品跟膽機。上一個首波系列產品在4月份出書後立即售罄。這次，仲要配備埋膽合併機“LXV-OT7”相信都一出就會賣哂。

 上一回送的

可以同大家講講今次跟機部膽機，同好多機仔一樣前級部份用12 AU 7膽，在功率推動部件中配備有A / B級模擬擴音機的混合部件，可以輕鬆且精緻地享受真空管（膽）的聲音。全機提供兩個模擬輸入（RCA），可以通過切換PC，CD等二個input使用。擴音機輸出為5 W×2 ch（4Ω），推動力小小玩下細喇叭仔式全頻喇叭還可（都係玩具姐！），1個喇叭輸出。全set套件包括膽仔（12 AU 7），板，底盤，螺絲，旋鈕，墊圈，AC牛。

在Mook書的雜誌上，會介紹套件製作，交換管/冷凝器交換，底盤裝扮等內容。介紹如何享受同準備你最喜歡的擴音機。我相信呢本書如果香港有得買，一定搶購，相信日本都唔容易買得到，絕對吸引人的書仔。（膽機玩具仔！）