《遊戲王》咁出名，故事內容大概講啲乜就唔多介紹，主要都係圍繞卡片決鬥，而因為呢套動漫嘅關係，亦都喺現實世界帶起卡片遊戲嘅熱潮，而其中一張，就係「青眼白龍」卡片。而「青眼白龍」係一張怪獸卡，隸屬「青眼卡組」，佢嘅3000攻擊力喺8星通常怪獸中係持有最高攻擊力。

而最近日本玩具公司「MEGAHOUSE」就以《遊戲王》為主題，推出《遊戲王》中超人氣嘅「ART WORKS MONSTERS 青眼白龍」！

「ART WORKS MONSTERS 青眼白龍」有28cm高，售價18900日元左右，預計會喺2019年正式推出，而家就正在開放預購，有興趣嘅巴打可以上「MEGAHOUSE」官網度睇睇。