香港機鋪好像已經式微，不過日本人比較特別，佢地仲可以不停有新的街機推出，今日BANDAI NAMCO就宣佈推出全新街機對戰遊戲《JoJo的奇妙冒險》之最後的倖存者，睇落是一個非常有趣的動作對戰遊戲。遊戲最多可以20人連線一起對戰，所有人將會在一處地圖內作限時生存戰，就好像食雞一樣，打到最後一人為之優勝者。單睇預告和圖片好像已經相當吸引同好玩，一來唔知香港會唔會有機鋪引入，二來相信最多人期待的是幾時移植到「Nintendo Switch」或其他家用遊戲機？！

不過遊戲今日只是剛剛初期發佈，要等到下年2019夏天才正式推出。一切資料都只屬於初期，但就已經引起一班JoJo的粉絲同機迷的興奮震撼。20人同時對戰的確是有趣又時尚（而家隻隻game都咁）的玩法，角色方面將會有漫畫第三至第五部即第三部《星塵鬥士》第四部《不滅鑽石》第五部《黃金之風》內出現過的登場角色選擇使用。但見街機由兩枝搖桿構成操控，詳細玩法暫時無法得知，眼見搖桿感覺玩法會有點像人中之龍加打鬥出招

有興趣的朋友可以緊貼我們等有進一步消息再跟進，2019年夏天期望可以推出前有更多相關信息，最好有移植家用機的消息。其實我們都已經好耐無出過去街機打機了？對上一次你在街機入錢打機係邊一隻遊戲呢？還記得那些年我們一起在機鋪跟機的年代嗎？