能夠打得NBA嘅，相信都差唔多係地球上籃球最出色嘅人，當然其中有以進攻為主嘅球員，就好似火箭嘅James Harden，佢係今季目前NBA場均得分最高嘅球員。不過就算係Harden，佢嘅進攻都係有自己最擅長嘅位置，如果將NBA嘅進攻位置分成10個區域，究竟邊位球員能夠佔一席位呢？

籃底

原來目前NBA最強嘅得分手係公鹿「字母哥」Giannis Antetokounmpo，佢74%嘅得分都係黎自油漆區域，而佢喺無助攻下則轟入55次入樽，係NBA之冠，排名第2嘅Rudy Gobert就只有23次。

其實係人都知籃底入樽絕對係最高效嘅得分方法，但係要創造呢啲機會並唔簡單，除非你係「字母哥」，佢目前場均可以交出4.6次入樽，這都保證佢嘅得分係有幾高效。

中距離

中距離雖然已經係NBA將死嘅得分位置，但係佢仍然係唔少球星嘅絕技之一，咁NBA嘅中距離之王又係邊個呢？就係Kevin Durant & DeMar DeRozan。

可以睇到，KD基本上圍住鎖匙圈命中率都超過50％，而當中望籃框右手邊嘅位置更高達63％，實在非常恐佈！

不過，馬刺孖寶DeRozan及LaMarcus Aldridge都係NBA有名嘅中距離之王，所以佢地都成功入圈其中嘅得分區域。

底角三分

火箭射手PJ Tucker原來係底角三分球嘅最強得分手，今季至今佢已經命中左46記底角三分，冠絕NBA。不過當然呢啲都係要歸功於團隊，因為底角三分非常依賴隊友嘅助攻的，而Tucker嘅底角三分就係全部都由隊友助攻他的。

右側弧頂三分

Klay Thompson可以話係NBA最出色嘅Catch and Shoot射手，而佢特別鍾意喺右側嘅弧頂接球射三分，目前已經命中左33記三分球。

左側弧頂三分

鵜鶘Nikola Mirotic可以話係如今NBA非常出色嘅四號位人選，佢擁有速度及三分球能力，而佢嘅Catch and shoot亦都一樣出色。今季至今，Mirotic已經喺左側弧頂命中32記三分球，命中率達到43％。

中間弧頂三分

James Harden嘅造罰能力當然冠絕NBA，但佢嘅三分球亦都同樣領先聯盟，而其中一項特點係佢唔太需要隊友助攻，佢多達88％嘅三分球都係唔需要助攻的，再加上佢嘅step back技術令佢喺三分線難以阻擋。