帶領皇馬連奪三屆歐聯冠軍嘅法國球王施丹，自從今年5月底離任後，至今仍然未有著落，究竟佢會幾時再執起教鞭呢？適逢執教曼聯嘅摩連奴離任，施丹可能接手「紅魔鬼」隨即被熱烈討論，而終於曼聯亦正式同呢位傳奇球員兼教練聯絡了！

據消息指，曼聯方便已經與施丹聯絡，而有傳施丹亦有一定興趣，並正積極考慮是否接受呢個Offer。報導指，施丹樂於接受英超嘅挑戰，並最快喺2019-2020年球季再次當起教練一職。

曼聯方面，摩連奴離任後，隨即已經搵黎球隊傳奇前鋒蘇斯克查作為臨時領隊，預計佢將會帶領出戰今季餘下比賽，讓曼聯喺呢段期間搵適合嘅領隊。

另一方面，曼聯自2013年費Sir費格遜退休後，就一直希望可以搵到一位可以長期執教嘅領隊，去帶領佢地再次挑戰英超冠軍。

除左施丹之外，熱刺領隊普捷天奴亦都係主要候選人之一，而前摩納哥領隊渣甸亦都係備選人。目前黎講，要說服普捷天奴離開熱刺並唔容易，所以施丹如果首肯，相信曼聯方面亦會同意比佢成為曼聯新任領隊！