摩連奴嘅「三年詛咒」再一次成真，而接替佢嘅蘇斯克查第一戰表現就先聲奪人，令人眼前一亮。難道摩連奴真係已經技窮？仲有無球隊會搵佢執教呢？

作為冠軍教練，摩連奴仍然有唔少追隨者，其中包括其前東家國際米蘭。有傳國米老闆其實都有意想搵番摩帥執教，但現時與領隊史巴列堤關係亦都不錯，所以應該暫時唔會換人。

除左國米，前東家皇馬亦都有機會係摩佬嘅下一站，因為自從皇馬失去施丹，再解僱盧比迪古，到如今嘅蘇拿利，佢地都尋求緊一位可以長期執教嘅領隊。而摩連奴好有可能會再次到班拿貝擔任領隊。

而除左摩連奴，前阿仙奴領隊69歲嘅雲加近期亦有消息指可能好快復出，再次成為領隊。自從今年離開阿仙奴後，雲加一直未有確認下一站，而最近有傳佢可能會到意甲執教起AC米蘭，特別係前阿仙奴CEO加斯迪斯已經到AC米蘭上任。

目前AC米蘭排名意甲第5位，球隊非常希望可以出戰來季歐聯，所以對領隊加度素有唔少期望，但佢帶隊嘅表現並未非常穩定，所以佢絕對有機會被裁掉。外界估計，加度素仲有兩場機會去保住佢嘅席位，否則雲加隨時有機會替而代之成為球隊嘅新任領隊。