基於威漫的十年強盛，近幾年都是超級英雄電影當道，每年都有大量超級英雄電影作，有人非常厭惡，最不喜歡英雄商業片，但也有好多人喜歡欣賞，追住一集一集咁睇，無論你是喜歡或是討厭，無可避免英雄電影就是我們的主流流行文化之一。隨著網絡文化的進步，每次當有新英雄出現，最直接可見就是網絡宣傳的攻勢，現實就是超級英雄電影引來的回響就是最大，今年相信是英雄片豐收同閃耀的一年，我地有《復仇者聯盟3》呢種超級大作帶領住，再加上強大的獨立英雄作，你今年又睇左幾多套英雄電影？不如來一個回顧，我跟據美國collider網的排名，話比大家知9大英雄電影係邊幾部，然後你睇下你睇左幾多部？第10位？你睇超過十部超級英雄電影咩？你話事啦！

第9位--蟻俠2：黃蜂女現身Ant-Man＆The Wasp

2018年7月4日上映

這是一套非常有趣的作品，除了玩得好盡變大縮細外，仲有好多搞笑位，不過唔知幾時開始而家d人睇戲要睇埋佢連貫復仇者聯盟的後繼劇情，單獨就電影本身來講，相信大家都滿意，好開懷。

第8位- 毒魔Venom

2018 年 10 月 4 日上映

Sony出品的英雄片大家未睇就已經有戒心，毒魔的期待度其實好高，好多人對呢套作品好有期望，當然可能期望太大，所以不少人有失望是正常，加上尺度被指太過合家歡。呢套係一部票房良好但評價兩極的大作，我都唔知是否因為同期好多Ladygaga fan要劣評毒魔，神奇點在於好多人好唔鐘意毒魔但又不少人指出其實都幾好睇……….電影世界從來無公道評價，但呢部戲值得在2018年有佢的位置。

第7位--死侍2 Deadpool 2

2018年5月15日上映

死侍肯定是其中一部最識運用網絡宣傳的電影，Ryan Reynolds無論電影定生活中都活出死侍的幽默感，死侍的幽默應該唔會有其他英雄片有能力做到，又叫好又叫座的死侍2笑位連連，加上瘋癲串盡，仲要有時下最流行今年最潮多『彩彈』，而家套套戲都要專登有好多彩彈比觀眾發掘，如果你未睇死侍2不妨買藍光或DVD睇埋加長約15分鐘的「超激版」

-

第6位-- 少年悍將GO！大電影Teen Titans Go! To the Movies

美國collider網將呢套卡通電影放第六位，你以為一定睇過哂英雄電影，呢套問你睇過未？相信應該唔多人睇過，因為佢原先安排係2018年8月2日上映但無論香港定台灣都一改再改，最後仲無排上戲院直接推出影碟。不過呢部作品其實十分有趣，劇情相當抵死而創新，雖然畫風同顏色比人一種好兒童導向感覺，但實際劇情是未見過咁特別，如果要點評搵DC本年最好睇的作品，你試試睇下呢套，好搞野！

呢套DC動畫仲有史丹李客串

特別介紹一下呢套超正滄海遺珠的劇情，講一班少年悍將作為少年的超級英雄各有唔同能力佢地包括羅賓迪克·格雷森（Robin） 、人皮獸（Beast boy）、渡鴉（Raven）、星火（Starfire）、鋼骨（Cyborg），呢幾條豆釘認為作為一個超級英雄，佢地居然無自己的獨立電影作品，於是覺得唔太好受，少年悍將的隊長羅賓決定扭轉局面，誓要成為巨星，告別行行企企的閒角。他們要成功，一定要得到荷里活最炙手可熱的導演賞識。他們懷著魯莽的計劃及屬於他們的主題曲出發到Tinsel Town，一起追尋星夢。可是，少年悍將受到超級壞蛋誤導，並因壞蛋千方百計要征服地球，而令他們的計劃受挫。少年悍將的友誼和鬥志越見薄弱，令團隊的命運岌岌可危！

一套DC超級的自嘲搞笑作，千萬唔好錯過，剩係佢預告一句『如果連水行俠都有獨立電影，邊個都得囉！』已經正到要支持睇下

快睇返

第5位 --超人特攻隊2 Incredibles 2

2018年7月19日上映

超人特攻隊隔左咁多年再出第二集，比隻超人BB搶風頭，無論劇情故事同承傳都的確是拍出水準，已寫過影評，我唸大多數朋友都有睇過呢套戲。無咩好講，係幾好睇的，動畫來講，一定是全年必睇類別！

 超人特攻隊2影評

第4位--復仇者聯盟3：無限之戰Avengers: Infinity War

電影界整年的焦點都係呢部Avengers: Infinity War，正如下年的焦點都會係Avengers: endgame，無論票房口碑都唔駛多講，而且佢的結局居然可以成為全球的話題如果你無睇過復仇者聯盟3：無限之戰我都好明白，多謝你比面入來睇呢篇野，你肯定唔係英雄電影的支持者。佢已經帶領英雄電影上到去一個新高度，無論任何方面，佢都是年度大作，不過Avengers: Infinity War抱有全球所有英雄電影迷的期望，所以佢出來的票房同評價都係應該有的，因此佢唔會排第一。

第3位--水行俠Aquaman

DC全年救亡之作，定溫子仁省招牌之作，水行俠肯定是年尾最大收穫，難得獲得幾乎一致的好評，最挑剔的人都會鬧完水行俠老土公式無劇情低能補返句，其實是好睇的。其實無論你點唔鐘意水行俠，你都會認同佢是一套十分好(最好)的DC真人英雄電影。

水行俠影評

第2位黑豹Black Panther

如果年頭同你講，有一套英雄片橫掃所有電影領獎禮的提名，你可能會問會唔會是Avengers，如果同你講黑豹會是全年最受電影界讚賞的真人動作片，無論劇情定動作都入圍最佳電影，唔知你會唔會覺得驚訝！當然唔知是否因為我地是中國人，唔太了解外國的民情同要求，好多朋友都話黑豹係唔錯但未至於呢個高度吧！黑人的種族話題在電影界今時今日已經是新的出路，黑豹之後好多專門比黑人作為市場的電影出現，2018年就是黑人電影的重要一年，爭最佳電影的仲有黑人種族歧視問題的小品作《綠薄旅友》。咩都要同政治分割的香港人，你地唔明的！

第1位--蜘蛛俠：跳入蜘蛛宇宙Spider-Man: Into the Spider-Verse

呢個排名第一的蜘蛛俠：跳入蜘蛛宇宙，我服，只要你睇過，你都會喜歡，排第一我舉腳贊成。

真心覺得好睇

蜘蛛俠：跳入蜘蛛宇宙Spider-Man: Into the Spider-Verse影評