馬來西亞羽毛球一哥李宗偉，日前正式回歸訓練場，喺馬來西亞羽毛球學院進行康復後第一日嘅訓練。

自從去年年中發現患上鼻咽癌後，李宗偉無論比賽定係訓練都全面停止，所以今次訓練係呢位前世界一哥接近半年黎嘅首個正式訓練。

今次李宗偉康復後嘅首堂訓練，馬來西亞男子隊教練Datuk Misbun Sidek及Hendrawan，還有女子隊主教練Datuk Tey Seu Bock都有份出席。

除左一班教練之外，國家體育研究所亦有物理治療師全面留意李宗偉嘅情況。

36歲嘅李宗偉，喺去年7月確診鼻咽癌前嘅比賽仍然極具競爭力，所以雖然停止左半年訓練，但係如果佢身體可以回復，再花啲時間操番比賽狀態，佢仍然係競爭力十足嘅選手，未來再奪賽事冠軍絕對不是夢。