據外國傳媒報導，喺冬季轉會窗打開後，曼聯已經向巴塞隆拿查問收購古天奴事宜，唔通佢地真係想將呢位前利物浦球員帶到奧脫福？

其實唔只曼聯，有唔少球隊都希望可以羅致古天奴，因為呢位巴西中前場球員加盟巴塞後，並未能獲得穩定嘅正選位置，再加上迪比利今季表現神勇，導致古天奴近幾場被硬生生按在後備席上，基本上佢就只係可以替換對方，並只有好少時間去表現自己。

消息指，曼聯、曼城、車路士及巴黎聖日耳門都對古天奴有興趣，但球員本人則以曼聯為其最想效力嘅球隊。

當日，巴塞以1.05億鎊收購古天奴，如今其他球隊想帶走佢預計巴塞亦會定價至少在1億鎊以上。

曼聯今季前半季表現不佳，但在蘇斯克查上任後，表現大有改善，越踢越好嘅曼聯相信會令古天奴心動的。唔知古天奴如果真係加盟曼聯，未來作客利物浦佢會點比球迷噓爆呢？