Netflix的電視劇全球重金收購，凡有好的又或者話題性的都會盡情收買，近日宣佈會播出一輯新的原創喜劇叫《俄羅斯娃娃：派對迴旋》（Russian Doll），呢套劇的特點係一睇就覺得「嘩！有無搞錯！？照抄的嗎？」劇集的故事講述一名女子參加一場晚上派對後意外死亡，第日醒返絲豪無損然後又重複Loop同一日又去派對，陷入不停死亡的無限淪迴中。

可能好多朋友同我一樣開始想鬧爆，下！咁都得，咁咪即電影《Happy Death Day / 死亡無限Loop》囉？！唔同，佢唔係驚慄恐怖片，原來同一個概念改少少變做搞笑喜劇又有無得玩？！而家日日有新劇，一日睇十條新預告，真係要好有驚喜先吸引到人，呢套野抄人抄得幾有noise，咁樣照不停重覆Loop的喜劇可以點樣玩呢？又要鬧又想睇應該就是這種！

劇集一季有8集，預告應該只是開端的劇情，唔知會點樣發展呢種無限重回的故事，呢點作為劇集就有少少期待。

陣容上呢套山寨版的死亡無限loop都唔差，有《勁爆女子監獄》主角Natasha Lyonne飾演代入死極唔去永無止境的派對迴轉。黑色喜劇《》俄羅斯娃娃：派對迴旋》其他陣容仲有《The Looming Tower》Yul Vazquez、《芝加哥烈火群英》Charlie Barnett、《美國怪談》Chloe Sevigny、《勁爆女子監獄》Dascha Polanco等演員共同參演。

劇集2月1日上架Netflix…………一共八集…………

死極死唔去真係咁好Loop，不如試下改做開心版，日日都結婚大日子……………結到唔想結……hea影相，答：唔願意…….玩數人情…………仲好玩…………