{ SKIP }
文:MenClub 摯樂  圖:互聯網
POSTED ON 15 Jan 2019

【最佳動作片】職業特工隊麥哥利延續神話將多拍兩集

剛剛於《影評人之選頒獎禮》(Critics' Choice Awards)贏得最佳動作電影的《職業特工隊:叛逆之謎》導演Christopher McQuarrie將會繼續帶領「靚佬湯」湯告魯斯(Tom Cruise)再挑戰多兩部全新系列的職業特工隊,預計新開拍的職業特工隊第7和第8集將會係2021和2022年上映。

 

基斯杜化·麥哥利自2015年開始接拍第5集的職業特工隊:叛逆帝國作為電影導演和編劇,及後再接拍第6集職業特工隊:叛逆之謎身兼導演編劇和監製三位一體,電影大受好評加上票房強勁,旺丁旺財,得獎後當然要宣佈繼續延續呢個傳奇系列。

McQuarrie首次拍攝的2015年的Rogue Nation叛逆帝國,第五集全球票房收入6.82億美元,捧紅性感演繹的女主角Rebecca Ferguson。唔講唔知咁多集的職業特工隊原來之前集集都換導演。McQuarrie是第一位重返崗位的導演,拍第6集職業特工隊:叛逆之謎,2018年放映時獲得7.91億美元票房,而且增加了好多驚人特技動作(如果有人仲記得拍攝過程中靚佬湯腳踝受傷)。電影出來效果口碑極好,甚至在周日贏得影評人之選最佳動作片大獎。

 

其實據知“叛逆之謎”之後,McQuarrie已經被許多其他電影公司唔同系列的行家追捧。華納兄弟試圖用DC最新電影項目利誘他,但他決定休息完後,堅持繼續同佢的老朋友湯告魯斯繼續作戰拍職業特工隊系列。

作為影迷當然開心,唯一擔心的是其實第5同第6集的職業特工隊已經玩到動作的演繹好盡,要超越其實極難,保持到水準已經大收貨,到底仲可以點樣比到大家驚喜或進步,呢樣野就期待McQuarrie做比大家睇。當今特務片之皇者,相信大家都知道,一定係職業特工隊…而呢個市場自007開始總會有一套係旺季出沒。

由「The Rock」Dwayne Johnson同Emily Blunt主演嘅《The Smashing Machine》近日在美國正式上映,雖然票房表現慘淡,但就被視為係Dwayne Johnson問鼎奧斯卡之作,連著名大導演Christopher Nolan都大讚佢演技出色,難 ...
hobby
【影視】Nolan大讚The Rock《The Smashing Machine》演技出色:「今年或其他年份都難覓更好的演出」
17 Oct 2025
遊戲顧問公司Sweet Baby Inc. 嘅CEO Kim Belair日前在Podcast節目承認,公司確實有「深入」參與《Marvel's Spider-Man 2》與《Alan Wake 2》遊戲製作。並對網上反對聲浪作出強硬回應,表示反抗覺醒嘅人就係抵制創新 ...
hobby
【電玩】Sweet Baby承認參與《Marvel's Spider-Man 2》製作 回應批評:反抗「覺醒」就是抵制創新
17 Oct 2025