我地香港人一早上年5月已經睇左限制級全版本的死侍2，北望神州界限街以北比較遠的祖國，1月25日才正式上映死侍2，雖然我深信對於中國大陸上畫死侍，好多本地市民都套用死侍式語言表示who fxxking care，對於內地點解忽然又可以引進PG-13版本(家長指引級)的死侍2但第一集死侍則屬於無法引進的禁片，大陸的就是神怪，點都好我想指出的是死侍系列和其他電影唔同的地方是佢好識玩，懂得融入唔同的文化融合成死侍獨有的次文化。佢地在中國做的宣傳海報就好有心機有中國農曆新年的感覺，個人認為十分讚賞。

至於中國內地票房如何，中國人民會唔會賞識去欣賞中國版的合家歡死侍2，套用返上面W的句子啦！

我地反而最最擔心的是美國迪士尼收購左fox後，死侍在迪士尼的合家歡世界裡面，仲有無得玩，有無將來？睇中國死侍2似乎睇到死侍系列的求生慾望，連中國市場都融合到，迪士尼應該都變通得到，只望不要像毒魔般合家歡級別成為作品的負累。當然首先，要過到迪士尼膠層仲比機會佢拍先講！