日前，一場備受關注嘅拳賽喺美國拉斯維加斯上演，對戰雙方為菲律賓拳王帕奎奧(Manny Pacquiao)及美國拳手Adrien Broner，二人分別為守護及爭奪WBA(常規)沉量級金腰帶而戰。

現時WBA(常規)沉量級金腰持有人帕奎奧，經過12回合嘅對戰後，裁判大比數一致認為帕奎奧以點數擊敗Broner(三名裁判：117:111、116:112、116:112)，成功守住其金腰帶。

擊敗Broner後，帕奎奧嘅職業生涯戰績提升至61勝7負(39KO)，而雖然佢已經40歲，但係其速度仍然保持喺非常高嘅水平，攻擊力極強，與以往並無太大分別。

今場賽事雖然並無出現任何擊倒，但係帕奎奧仍然多次以重拳打在Broner身上，其中數據顯示佢77次打中Broner嘅身體，而當中更有數次以左重拳係將Broner打至退後。相反，Broner全場都以防守為主，希望以一記防守反擊來擊敗帕奎奧，但最終呢一刻並無黎臨。

今場賽事另一個焦點係Mayweather亦有到場觀看，雖然未知雙方會唔會仲有機會再戰一場，但帕奎奧卻顯出自己嘅實力，並向Mayweather表達出如果再戰一場結果將會改寫。