{ SKIP }
文:MenClub 摯樂  圖:互聯網
POSTED ON 22 Jan 2019
【期待新戲】賀歲都起碼好港式笑料的《恭喜八婆》

數數算算,原來一年容易又過年,下星期開始就是賀歲片的檔期,好多朋友包括我本人都對於賀歲片的質素和內容有少少保留。因為過年過節傳統上是合家歡講意頭,只需要一大班人開開心心胡胡鬧鬧拜個年就算。因此,都相當多粗製濫造的過年電影。不過另一邊廂,賀歲片好搵,簡單快捷,去年全年最高票房的港產電影正正是賀歲檔期的《棟篤特工》。證明賀歲片較易搶高票房。今年,本地都有幾套賀歲片同時上映,如果你問我會選擇那一套作品,邊一套上映港產大作是好我真的不知道,唯獨你問我要挑一套入場睇,第一時間的回覆是《恭喜八婆》,原因好簡單,本年港產賀歲片能融入本地生活和社會的,從預告看來,只得《恭喜八婆》。

預告:

當然,電影的世界太屬世可能並非好事,如果你想跳離本港,投入另一些星影虛幻的世界中,閣下自然可以有其他選擇,但想要開心,關心本地,活在當下,識得笑又有劇情貼地有趣,可以睇睇彭浩翔這次這部喜劇的作品,一部吸引人的喜劇首先要劇情上一聽就覺得有得唸,幾過癮先,其他的都是後話,恭喜八婆有我地生活化的笑料元素。起碼大家都應有過電話聊天群組的經驗,有一班朋友組成的群組,也有沉左底久未發言的沉底群組,劇情就來自一班各有心刺分散的舊友再加上一單「糟事」,即劇情中所謂的『人奶』事件,劇情就是胡鬧地要下班前搵一枝「人奶」回來頂包錯誤用了的那那一枝。過程和笑料,我鬼知,入場睇再算,但故事的開始好生活化,一個辦公室總會搵到一兩個結左婚要餵人奶的女士。然後總有一班老友或唔同的群組,因著唔同的事互相幫忙和支撐,通常愈是「糟」事奇事怪事,老友愈幫忙,這就是人生。搵枝人奶呢種事,幾有趣,起碼唔係內地阿媽急住要錢做手術之流。

製作花絮

彭浩翔自有其八婆的組合和人腳,單就志明與春嬌系列就已培養好一班觀眾和班底,其實只要原班人馬拉幾個八婆們就已經比離地、唔屬於這宇宙,甚或擺明屬於鄰近世界的其他作品更適合香港人。其實是否本土我覺得不是問題所在,問題是其他非我文化的作品,我投入唔到,難道過年仲要我轉channel 去Load其他文化。開心聽得明笑下有故事就是了。

如今世代睇返屬於自己聽得明的故事主題故事,原來已經不是易事,見到「任何仁」出現,我識笑,你唔識笑仲問我「這甚麼玩意兒」!已經夠我笑,我就喜歡這種感覺,咁簡單仲需要我多作介紹?再深入就應該搵彭浩翔送我幾個張飛全家入場啦!不過……買飛入場支持港產片啦衰鬼!!

恭喜八婆
MISS BEHAVIOR

導演 :彭浩翔

演員 :梁詠琪、梁洛施、陳靜、谷祖琳、林兆霞、陳逸寧、謝賢、邵音音、徐天祐、陳奐仁、郭奕芯、楊柳青、丁可欣

片長 :1小時30

分級別 :IIB 級

語言 :粵語 (中英文字幕)

上映 :31.1.2019 (公映)

Uniqlo同Ikea都有!
hobby
【家居】唔想對唔住北極熊 用涼感寢具啦!
13 Jul 2020
【光復革命】Ubisoft 遊戲《 Far Cry 6》充滿電影感預告時代起義推翻暴君 法國遊戲商Ubisoft 係最新 Ubisoft Forward 活動中正式介紹《 Far Cry 6》遊戲,並釋出首個充滿電影感的預告。遊戲預告已勁到媲美一級電 ...
hobby
【光復革命】Ubisoft 遊戲《 Far Cry 6》充滿電影感預告時代起義推翻暴君 ...
13 Jul 2020