宮崎駿嘅動畫男女老幼都啱睇，特別係喺日本創下304億日圓票房記錄嘅《千與千尋》，更係唔少人嘅飛佛之一，好多巴打都鍾意呢套動畫！不過男人老狗買埋晒啲《千與千尋》公仔呀手巾仔呀咁樣做紀念品，似乎又好難講得過，但如果係SEIKO旗下品牌ALBA推出嘅《千與千尋》聯名紀念手錶，拎嚟戴下又得，儲下又得，對巴打們嚟講又會唔會易接受啲先？

最近日本SEIKO旗下品牌ALBA推出《千與千尋》聯名紀念手錶，一共有黑白兩種錶面設計，就連錶帶上都有驚喜細節位，的確非常用心！

一黑一白兩種款式，白色錶面款限量500隻，黑色錶面款限量700隻，而兩款手錶都係以電影中出現過嘅大鐘為錶面，可以見到佢係以漢字數字顯示時間，非常有Feel！

另外錶背仲有《千與千尋》嘅日文標題，以及限量款生產序號，證明呢隻錶係獨一無二。

錶帶方面則採用皮革材質，錶帶內側加印白龍，非常霸氣！錶帶外面最尾仲有個好可愛嘅油屋Logo，充滿《千與千尋》嘅元素！

目前《千與千尋xALBA》紀念手錶價格係14000日圓(未連稅)，預計1月25日起喺日本ALBA各店面有得買喇～