{ SKIP }
文:MenClub 波特先生  圖:互聯網
POSTED ON 31 Jan 2019

一場0:4大敗,令車路士隨即響起警號,因為佢地已經被阿仙奴超過跌至聯賽第五,而排名第六嘅曼聯則僅落後佢地2分。而更令車路士雪上加霜嘅係,佢地嘅核心球員夏薩特可能好快就要離隊加盟皇馬了。

現年28歲嘅夏薩特想加盟皇馬已經係公開嘅秘密,但車路士仍然會全力去留住佢,不過領隊沙利好似已經接近放棄,佢亦為如果夏薩特堅決要走的話,球隊就唔應該繼續花時間喺佢身上,甚至佢覺得如果夏薩特想嘅,就隨便離開球隊吧!

目前,夏薩特與車路士嘅合同2020年夏天就會完結,亦即係話未能完成續約的話,佢就好大機會可以在2020年以自由球員身份離隊,屆時車路士就會人財兩失。而夏薩特已經表明唔會同車路士續約,因此車路士能夠做嘅就係盡快完成交易,咁樣先可以將佢賣得高價一點。當然,車路士心目中都有一個價錢的,就係1.12億歐元。如果皇馬真係出呢個價,咁樣夏薩特就會超越巴利,成為皇馬歷史收購身價最高嘅球員。

2012年,夏薩特由里爾轉投車路士,並喺史丹福橋取得不錯嘅成就,其中包括為球隊奪得兩次英超冠軍及上季的足總盃冠軍。

目前為止,夏薩特今季為車路士一共交出10入球10助攻,佢係球隊嘅進攻命脈之一,失去佢將令球隊嘅攻力大受打擊。

早排喺PS4 上推出嘅大熱遊戲《惡魔五月哭5》(Devil May Cry 5),除咗遊戲熱賣,依家更加推出1/12 可動人形Figure。無輪造形定配件,都有極高嘅可玩性。今次由《千值練》推出嘅1/12 可動Figure - 但丁,Fans 絕對唔好 ...
hobby
1/12 可動樣靚但丁,配件豐富玩餐飽
26 May 2019
明明騰訊手上有天美工作室所製作之兩大 MOBA 手遊,為何在此時間點才會出現英雄聯盟之手遊版呢?
hobby
【手遊世代】騰訊正籌備與 Riot Game 推出手遊版「英雄聯盟」(?) ...
25 May 2019