講到志在為參加者配對成情侶嘅求愛節目，香港人最為深刻應該都係無線當年嘅《求愛大作戰》，盛男盛女一詞喺當年正式被大眾所採用，去形容長時間單身之男男女女。

至於近年雖然香港有關類型節目之產量大幅減少，但全懶鄰國各大小電視台所製作之真人騷被大台所購入，我哋喺香港電視台都可以睇到大陸式驚天地泣鬼神嘅求愛真人騷，例如《非誠勿擾》以及《非常完美》。

如若自認自己鬼仔性格唔識欣賞東方美嘅，西洋電視台亦有不少同類型節目，只不過你想搵嚟睇睇嘅話又要上裝搵一餐，就算大台有買嚟播佢無做 Promotion 嘅你都根本唔知佢幾時播。不過如果你有睇開 Netflix 嘅話，呢套 "Dating Around" 就無走雞啦。

呢套香港暫譯作《蜜蜜約》之節目—"Dating Around"，標榜住係 Netflix 推出的第一部原創約會節目 嘅名號。喺每一集嘅節目中，都會搵嚟一名單身人士，分別同五個陌生人嚟一場貨真價實嘅約會，而觀眾們要睇嘅不單係其約會結果，當中之過程更是引人入勝；而且五位陌生人當中更要喺各自之約會搏取表演爭取出線資格，進行二次約會。

"Dating Around" 暫時只有 Trailer 可以睇，因為 "Dating Around" 將會喺 2 月 14 日情人節當日上架。