{ SKIP }
文:MenClub 波特先生  圖:互聯網
POSTED ON 12 Feb 2019

爆料大神Woj較早前率先發文表示,華裔控衛林書豪已經與鷹隊傾好,後者將會買斷其合同,然後下一站將會加盟目前排名東岸第二嘅速龍。

林書豪作為鷹隊嘅替補控衛,雖然經常表現高效,但礙於鷹隊今季獲得潛力驚人嘅新人Trae Young,因此唔需要爭取成績嘅佢地將大部份時間都分比呢位新秀,令林書豪未能發揮其最大功效,要知道佢喺有限嘅時間入面仍然能交出場均10.7分2.3籃板3.5助攻,投籃命中率46.6%、三分球命中率33.3%。

對於鷹隊黎講,林書豪可以話係用之無味棄之可惜,最終佢地決定買斷其合同,亦都可以叫放佢一條生路,比佢尋求更多用得上佢嘅球隊。目前林書豪嘅合同係最後一年,價值1377萬美元,其後加入速龍預計將會簽下一份年薪少得多嘅合同。

加入速龍無疑對林書豪黎講係一個非常珍貴嘅機會,因為佢將會成為Kyle Lowry嘅有力替補,但當然佢仍然要面對Fred VanVleet嘅競爭,後者今季係速龍嘅第一後備控衛,場均交出10.5分4.6助攻,表現算是非常穩定。不過,較早前VanVleet不幸受傷,將會缺陣3個星期,呢個將會令林書豪獲得表現自己嘅機會。

速龍今季明顯致力爭冠,佢地除左季前與馬刺進行重磅交易,換得頂級攻防球員Kawhi Leonard,其後喺交易截止日前又與灰熊交易獲得明星中鋒Marc Gasol,令球隊陣容變得更加深厚,目前排名東岸第二嘅佢地再一次衝擊常規賽東岸第一並唔係難事,而獲得Leonard及Gasol嘅佢地季後賽經驗變得更加豐富,要想打入總決賽亦都唔再係夢。

林書豪喺IG上表達對鷹隊嘅感激之情:

鷹隊亦對林書豪作出感謝:

Netflix今年作品陣容可謂相當精彩,除咗《怪奇物語》同《魷魚遊戲》即將迎來大結局,《星期三》、《今際之國的有栖》、《黑鏡》、《獵魔士》、《安眠書店》等人氣作品亦會回歸,睇嚟每月都有劇好煲! iframe wi ...
hobby
【影視】Netflix發布2025年宣傳片!《怪奇物語》《魷魚遊戲》《今際之國》《星期三》續集大晒冷
03 Feb 2025
由於日圓持續低水,加上部份遊戲只限日區獨家上架,多年嚟有唔少Switch機主都會「跨區」到日本eShop購買數位版遊戲。不過最新任天堂宣布,未來日區Nintendo eShop與My Nintendo Store將全面封殺海外信用卡及PayPal付 ...
hobby
【電玩】任天堂宣布日區eShop禁止海外信用卡付款 以防止不正當使用
03 Feb 2025