一年一度嘅渣馬今個星期日就係啦，大家應該要做好最後調整啦。不過，相信有唔少朋友可能係第一次參加渣馬，甚至係第一次參加馬拉松，咁你就要小心啲準備啦，特別係賽前記得要做足熱身，如果唔係可能會受傷收場。

今次我地MenClub請黎香港三項鐵人代表余承謙教大家四招簡單嘅賽前熱身，大家喺比賽開始前跟住做，受傷機會應該可以大大減低的。

呢個係唔少人跑步都忽略左嘅環節，佢可以幫你有效放鬆上身肌肉，令你獲得更好嘅時間。

唔少朋友可能以為跑步只係前跨，但事實上大家跑步時係需要後蹬嘅力量，所以熱身進行後踢可以令你比賽時變得更順暢。

呢個動作可以幫你放鬆大腿後肌、臂部及四頭肌，因為跑步時呢三舊肌肉都係你最主要運用到嘅肌肉，所以當你拉鬆佢地就可以減少比賽時受傷嘅風險。

呢個係一個全身嘅動作，你需要先雙手撐喺地，然後雙腳伸直慢慢向前圪高，咁樣你嘅小腿肌肉就可以放鬆，同時又可以達到熱身嘅功效。

記住，跑步一定要盡力而為，先祈唔好夾硬為衝時間而放盡啦。