近期喺臨時領隊蘇斯克查領軍下，曼聯聯賽表現出色，有望衝進前三。而就喺球隊走在正確嘅方向時，有傳沙特王子Mohammad bin Salman有意收購紅魔鬼，並作價38億鎊。

沙特王子及其團隊正向曼聯擁有人格拉沙家族作出勸誘，有望對方能夠與他們進行交易，並承諾將令曼聯重新回到歐洲頂級球隊之列。

目前，呢位沙特王子嘅家族坐擁8500億鎊身家，而對於收購曼聯一事佢地已經開始正式推進。不過，要想令2003年收購曼聯嘅格拉沙家族放手亦都唔係容易的事，除非佢地嘅出價難以令佢地拒絕。

格拉沙家族當年收購曼聯時，只係花費左佢地7.9億鎊，但如今佢地將有機會賺取超過30億鎊，呢單生意絕對係有賺無蝕的。

自從同市死敵由阿布扎比集團收管後，曼聯就長期活喺曼城嘅陰影之下，後者自從球隊易手後，已經三次奪得英超冠軍。

雖然沙特王子已經給出了收購價，但係如果曼聯今年最終未能打入前四獲得來季歐聯入場券，咁樣收購價就會相應降低。