車路士近期狀態不佳，領隊沙利帥位已經變得相當不穩。因此，有唔少領隊已經被認為係接任嘅候選人，其中前皇馬領隊施丹亦都係其中之一。施丹作為曾帶領皇馬連續三年奪得歐聯冠軍嘅傳奇領隊，並唔抗拒執教車路士，但球隊必須滿足佢三點！

如果車路士真係決定辭退沙利，而要想施丹上任的話，以下三點係佢想車路士能夠滿足佢的：

1.球隊要為夏薩特提供巨額合同以留住佢，令球隊可以圍繞住佢建隊

2.球隊需要投放2億鎊落轉會市場去比佢組建球隊，而如果施丹會賣走部份現時效力嘅球員，咁佢就可以有更多可動用於轉會嘅資金

3.要有現時車路士嘅總監Marina Granovskaia一樣嘅轉會發言權

要是車路士能夠滿足施丹以上三個條件，咁佢先會考慮執教起藍軍。

不過，現時施丹並未認真考慮車路士嘅帥位，因為佢非常尊重沙利，後者仍然有力去控制自己喺車路士嘅未來。相信只要沙利能夠帶領車路士黎緊奪得足總盃或聯賽盃冠軍，並且帶領球隊獲得來季嘅歐聯資格，咁佢留隊嘅可能性就非常大了。