巴黎聖日耳門巴西球星尼馬，較早前因傷至今仍然處於休養期，而佢日前接受訪問時回憶起效力巴塞時受到美斯嘅照顧，令佢非常感動。

2017年夏天，尼馬以天價由巴塞轉會至PSG，外界唔少傳言都指呢位前鋒唔想活喺美斯嘅陰影下，所以決定離隊他投，成為PSG嘅皇牌。不過，離隊後嘅佢並未完全與巴塞斷絕聯繫，有消息指過去一年佢經常與美斯及蘇酣雷斯聯絡及見面，又指佢非常想再次回到魯營球場效力。

而在接受訪問談到美斯嘅時候，尼馬努力忍住唔喊出黎，但可以見到佢已經眼濕濕，因為佢回憶起自己受過對方唔少嘅幫助。

尼馬透露：「這是一個我對所有人都講過嘅故事，當我最需要人幫助嘅時候，球隊嘅核心、世界最好嘅那一位，佢走過黎比左一份愛我。」

尼馬加盟巴塞初期，好快就成功融入球隊，但卻因受限而未能發揮自己的全部，而呢個時候美斯同佢講要佢做自己。

美斯對佢講：「過黎，你一定要做回自己，你一定會好似你效力山度士嘅時候一樣開心。唔好對我或任何呢間球會嘅人怕羞或害怕佢地，我地喺呢度係會幫你的。」

對於回歸巴塞呢個問題，尼馬表示由於美斯對佢黎講非常特別，所以佢唔排除呢個可能性。