桌球一向給人嘅感覺都係穩，每一位球手打每一球都一定會諗過度過，好少會貿貿然就出桿的。當然，凡事都有例外，有少部份球手出手利落，出桿嘅速度極快，其中當然包括「火箭」奧蘇利雲。不過如果單講出桿速度最快嘅，相信「火箭」面對佢都要投降，佢就係泰國球手Thepchaiya Un-Nooh。

日前在英格蘭舉行嘅桌球張時賽，可以話有點與傳統嘅桌球賽不同，賽事每回合只係會鬥一局，一局時限只有10分鐘，而頭5分鐘球手每次出Cue只有15秒，而去到最後5分鐘，球手出Cue時間更只有10秒，因此賽事極需要球手擁有極高嘅出桿速度。

而一直以極高速打桌球33歲嘅Un-Nooh，呢個張時賽就可以話係專門為佢而設的，要知道佢喺2018-19賽季入面，平均打出每一Que嘅時間只係16.5秒，係所有球手中最快的，即使「火箭」亦都只係18.69秒。

講番今次限時賽，現時世界排名第41位嘅Un-Nooh一路走來都未遇太強嘅對手，直至進入8強面對世界排名第14位嘅冰咸，但以快打慢嘅Un-Nooh輕鬆以97-3淘汰對手。去到4強，對手係排名116嘅黑馬Jamie Clarke，而Un-Nooh則打出整個排名賽度數最高嘅一Cue139度擊敗對手，殺入決賽。

Un-Nooh決賽嘅對手係世界排名第20位嘅Michael Holt，但係Un-Nooh再次展現自己出色嘅攻擊力，喺一次機會下成功一Cue打出74度，雖然Holt其後仍想回天，但之後嘅一Cue佢亦大意打失，最終決定投降，Un-Nooh成功奪得首個排名賽冠軍。