我地Menclub近期推出「十萬銀」入門音響，當然好多人認為十萬銀太貴，入門只想買一萬，其實音響真係平有平玩，貴有貴玩，有時有些平霸品牌全新一萬銀樓下就有交易，而且聲音上都有一定保證，英國的Audiolab就係當中平霸音響的經典，你話要非常高級的音響，佢未必夠豪，但一萬幾千出來的聲音，絕對唔會太失禮，所以一直以來都是入門影音的平霸之選，最近Audiolab係英國的布里斯托爾Hi-Fi展會上最新推出左新世代的串流音樂播放機訊源連解碼Audiolab 6000N，作為佢入門6000系列的數碼訊源，一部機一萬樓下就搞定、加埋同品牌6000系列合併機二萬一套有找，再搭對二手喇叭幾千銀，其實入門音響可以好平都得，正如買部車做假日司機未必一定最少20萬，但拍條片教人買全新平價車(不提二手車！)，基礎是20萬預算，最怕你唔玩姐。

講返本文正題，Audiolab 通過新的網絡串流媒體播放器6000N Play 擴展其6000入門級系列產品線，為入門級發燒友提供最實惠的引誘，6000N採用了卓越的6000A用的靚靚英式牛，加上同6000系列一樣機身機殼有靚靚磨砂，外表造功精美，機器支援以DTS Play-Fi平台播放，DTS Play-Fi在越來越多的串流媒體產品中提供了全面的串流體驗。

作為串流和媒體播放機，自然就可以通過DLNA連接網絡，再播放存儲於NAS內的音樂檔案，佢可以播到高解析度音樂檔，即播file作為其最主要功能，呢部機也支援多房間連接可以和家中多個房間的PC連上的網絡歌曲進行無線串流媒體傳輸，其專用應用程式還可以直接播放串流音樂如Spotify，Tidal，Deezer，Amazon Music等……

當然整個6000系列都用相同的ESS Sabre32 DAC和隔離電源方式。但部機只提供RCA輸出方便連接自家的合併機，簡單而言，一部6000N串流音樂播放機再加多部同廠6000A合併機就已經是一套音響器材，然後搵對喇叭連接即可。

Audiolab 600N Play可於本月開始訂購，預計春季發貨。現貨機已於英國音響展上陳列同可以試聲，有興趣入門的朋友可以等日後香港代理入貨後試玩。英國聲，平價不二入門之選