巴黎聖日耳門巴西球星尼馬，自從在2018年世界盃上多次出現誇張插水動作後，一直被外界炮轟只懂插水，球品及人氣一落千丈。而目前養緊傷嘅佢，接受訪問期間第一次承認自己嘅插水行為。

在去年嘅世界盃，尼馬作為巴西嘅主力球員備受期待，最終雖然佢亦有入球，但更多嘅報導卻來自其插水及被侵犯後嘅誇張翻滾，而巴西隊最終亦早早出局。對於外界嘅批評，尼馬日前終於對自己提出質疑。

尼馬：「我開始重溫世界盃嘅比賽片段，然後我在想：我真係咁鍾意插水？」

「我認為有一種誇大嘅批評落在我身上，但我知道這是正常的，我的職業生涯唔係一直都係咁咩？我知道當巴西隊落敗後，大部份嘅責任都會落在我身上。」

「而你們可能覺得我摔倒的次數太多，但實情係我唔係摔倒，而係被踢倒，大家對我嘅誤會令我非常痛，甚至要被對方踩在我受傷的腳上更痛。」