不死《銀魂》一次又一次咁欺騙大家，話會迎嚟大結局，但早前MenClub都提過，空知英秋經已表示《銀魂》漫畫尚未完結，嚟緊將會喺「銀魂官方App」繼續連載，畀讀者免費閱讀。對《銀魂》粉絲而言，漫畫可以繼續固然係好事，不過而家話埋畀你聽，《銀魂》將會有完全新作動畫，成件事會唔會更令人興奮先？！

話說官方近日就喺「銀魂 銀祭り2019（仮）」活動中宣佈︰《銀魂》完全新作動畫製作決定呢一個重大消息！大家可以繼續追漫畫之餘，連動畫都可以唔停咁一齊追！

一於睇睇佢個新作動畫PV先！