「火箭」奧蘇利雲日前在英國舉行的球員錦標賽中進行衛冕，雖然賽事高手雲集，但「火箭」一路過關斬將，最終再次殺入決賽，面對目前世界排名第8位嘅羅拔臣，最終在19局10勝下擊鬆擊敗對手，再次奪得冠軍，兼且生涯排名賽冠軍數已經達到35個，同時一桿破百(Century breaks)亦正式達到1000次！

今次球員錦標賽，「火箭」首輪對手已經係巴利鶴健士，其後次圈則係面對老對手希堅斯，面對兩位熟人，「火箭」晉級並不輕鬆，都係以6:4擊敗對手。但當「火箭」進入4強面對今季兩奪排名賽冠軍嘅馬克艾倫，卻竟然輕鬆以6:0大炒對手。

決賽面對羅拔臣，「火箭」繼續展示攻擊力，佢先聲奪人連取4局，而4局當中已經5次單桿50+，其後羅拔臣雖然成功扳回一局，但「火箭」並無再比機會對手，佢再拎多兩局以6:1領先。賽事後半程，羅拔臣雖然想力挽狂瀾，但面對「火箭」佢都無力回天，最終「火箭」再取4局，其中包括之後兩次嘅Century Breaks，最終以10:4擊敗羅拔臣，成功衛冕！

今次奪冠，令「火箭」生涯排名賽冠軍增加至35個，距離由「桌球皇帝」亨特利保持嘅歷史紀錄36個只係差1個，相信以「火箭」嘅狀態，佢今季追平甚至超越亨特利嘅紀錄亦都絕對有可能。

另外，今次決賽「火箭」再交出3桿Century Breaks，令佢生涯Century Breaks次數正式達到1000次，排名歷史第一！