{ SKIP }
文:MenClub 摯樂  圖:互聯網
POSTED ON 13 Mar 2019
【期待電影】驚嚇奇情燒腦驚慄《我們.異》精彩可期

近期戲院的選擇不多,上映的電影和票房成績好簡單就好像得返一個選擇,就是Marvel隊長,唔知講求公義的平權隊長會唔會覺得呢期Marvel隊長太霸道搞到大家睇戲好像無咩選擇,唔通又要入場睇多幾次隊長?好彩下星期開始,情況有機會改變,有幾部好有趣的電影要上映,其中一部是電影預告極之精彩,睇完真係好驚的驚慄大作《我們.異》上畫!講返轉頭此作美國已上映,居然是爆正評好多評價都覺得作品十分出色,為這部本來睇完預告就好想睇的戲增加期待。據說劇情精彩結局出眾,情理笑喊俱備,建議未睇Marvel隊長的呢個星期快睇埋佢,下週不如全城轉睇恐怖片《我們.異》。

 

《訪.嚇》這部恐怖片唔知你有無睇過?覺得如何?《我們.異》就是《訪.嚇》導演佐敦比爾(Jordan Peele)新作,近年成功的電影除了大型製作鬥燒錢外,還有一些是制作費不高,但非常燒腦劇情構想精密,話題性強,《我們.異》。我只睇過預告,但外國影評話非常優秀符合我上面提到的。電影以黑人為主,但成家四口有老有嫩有男有女,有小朋友的家長就會明帶住小朋友遇到呢種恐慌驚嚇感爆高十倍。

 

有外國傳媒形容電影好到可能可以衝擊下屆奧斯卡獎項,不過我們最怕就是吹噓到太高期望就有機會失望,我建議大家唔駛理咩衝擊獎項,先睇預告覺得適合自己就去睇,建碼從海外評價得知,唔會是一部爛片先。導演說這是一部社會驚悚片(social thriller),我唔太知甚麼是社會驚悚片,不過依劇情介紹去推理,應該是過去呢家人做過虧心事,正所謂平生不作虧心事,半夜敲門也不驚,成家做過虧心事,放假依然好很驚。

 

呢套戲的劇情是講主角delaide(雷碧達尼安高)趁著暑假,與丈夫Gabe(溫斯頓杜克)帶一對子女回到她的家鄉度假,但舊地重遊不但勾起她過去不快的經歷和未解的心結,一連串奇怪事件接連發生,更令她產生不祥預感...... 一家人與好友(伊莉莎白莫斯)在沙灘玩樂時遇上行為怪異的陌生人,令人膽戰心驚;回到度假屋後,更可怕的事情隨著夜幕降臨!屋外來了四個來歷不明的人,竟然與他們一家四口一模一樣,還對他們瞭如指掌,令人不寒而悚!當「你」成為自己最大的敵人,一場被「自己」追殺的夢魘隨即展開......

 

「我們就是自己最大的敵人」預告係咁樣同大家講,恐怖的預告中睇到那一個好多白兔的走廊,感覺將會是另一個驚慄的經典場景,如果你喜恐怖片,呢套作品應該真的不容錯失,聽清楚不容錯失….

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024