話說，Switch 一直都有畀人稱之為「炒冷飯王」之稱，雖則如此，老任仍好落力為佢打造成不一樣嘅遊戲機。舊年推出嘅LABO系列，一出時全城缺貨，估唔到「紙皮」Game 都可以炒得起。今年，LABO再為Switch 推出，另一「紙皮」Game，更加加入近年大熱嘅「VR」，睇嚟，老任仍然肯為主機界投資，絕對係Game 迷之福。

雖然自Google Cardboard 推出後，市面已有多款App以及唔同類型嘅VR頭罩，種種類別都欠缺一樣重要嘅嘢，就係「操控桿」。雖然某啲大品牌有推出過，但以都係打唔響個市場。而Switch VR kit 嘅推出，正好解決咗哩個問題。

以LABO 嘅慣例，會將Joy-Con 打造成唔同嘅控作方式，再配合自己摺好嘅紙皮，即刻就可以體驗到VR 嘅樂趣。主要都係一啲眼睇嘅內容為主，主題分別為「天空」、「宇宙」、「海洋」，比較有趣係「風」果Set，除咗眼睇到外，仲可以有風嘅體驗，而今次某一兩款嘅玩，應該好快玩殘套紙皮，睇嚟要練好刀工，後備用嘅套件都要自製了。

VR Kit Set 內容大致上係咁啦，唔算太複習，反而我真係好希望佢會推出PVC 膠片版，取代紙皮，唔計香港地潮濕丫，咁玩法，啲紙皮兩三嘢就爛，真係好無癮。而另一個問題係，Switch 嘅重量比起手提電話都重好多，咁玩法，似乎對個頭同頸都係一個負擔。睇嚟玩時都真係要長時間雙手扶機先得。

Switch VR Set

遊戲平台：Switch
發售日期：2019年4月12日
遊戲類別：VR體驗
售價：Kit Set (連6款VR Toy-Con）7,980円(未連稅）/ 獨立版(連1款VR Toy-Con）3,980円(未連稅）