{ SKIP }
文:MenClub 波特先生  圖:互聯網
POSTED ON 13 Mar 2019

尋晚歐聯繼續上演16強次回合戲碼,其中祖雲達斯vs馬體會嘅賽事最受關注,因為首回合落後馬體會兩球嘅祖記,會否可以在C朗拿度嘅帶領下創造奇蹟呢? 定還是佢地會同失去C朗嘅皇馬一樣16強止步呢?

一開場班馬軍團已經盡顯全攻型陣式,一直按著馬體會黎攻,早早已經比到唔少威脅馬體會嘅門將,其中基亞連尼更加在門前率先破門,但經過一輪與球證嘅談判,呢個入球仍然被判無效。

雖然食左一次詐糊,但祖記並無因此而氣餒,最終在比賽第26分鐘一次看似2vs6機會不大嘅傳中球攻勢下,憑住C朗逆天嘅彈跳力成功壓著馬體會後防頂入,祖雲達斯成功扳回一球。

上半場完結後,雖然祖記仍然落後一球,但佢地嘅攻勢及決心已經比到一眾祖記嘅球迷,佢地深信球隊下半場一定可以逆轉。而唔使等好耐,下半場第48分鐘,再一次傳中球,再一次C朗拿度騰空一頂,雖然呢一球被馬體會門將神勇撲出,但經過門線技術確認,呢球已經越過門前白線,所以判入球有效,祖記兩回合計追成2:2平手!

之後祖記攻勢繼續,戰至84分鐘貝拿迪斯治在禁區被踢跌,球證直指12碼,並由C朗拿度主罰,呢位5屆金球獎得主一射破網,祖雲達斯3:2逆轉絕殺馬體會,成功完成「不可能的任務」!

全場比賽,C朗拿度嘅把握力可以話係至關重要,因為就係憑住佢將本來只係五十五十嘅機會變成入球,在形勢咁惡劣嘅情況下大演帽子戲法,實在好難唔令人寫個服字比佢。反觀皇馬,在領先2:1嘅情況下被阿積士逆轉,好大程度上係因為無左C朗拿度,無左佢個種至死方休嘅精神。

愛斯賓奴可以參加歐洲戰全靠武磊?
hobby
【跪拜吧!】武磊一人拯救愛斯賓奴!?
20 May 2019
列貝利及洛賓告別德甲,一個時代又終結了...
hobby
【告別德甲】拜仁「雙翼齊飛」成絕響
20 May 2019