《怪怪守護神》（日語：つぐもも）係日本漫畫家濱田義一嘅漫畫作品，2007年10月於網絡漫畫雜誌《COMIC SEED！》開始連載，2008年8月轉移到網絡漫畫雜誌《Web Comic High！》連載，到2013年5月再轉至月刊《Action》漫畫雜誌繼續連載至今。去到2016年，官方正式宣佈《怪怪守護神》將製作成電視動畫，並於2017年4月至同年6月首播，而近日官方又有新消息，《怪怪守護神》TV動畫第二季終於落實製作決定！

《怪怪守護神》係講述「付喪神」係一種寄宿於人類漫長歲月中使用嘅器具或物品嘅思念所產生嘅妖精。主角一也嘅媽媽所留下嘅遺物「櫻花腰帶」對一也而言，就係片刻都唔想離手嘅貴重物品。某日，一也突然受到不可思議嘅物體襲擊；而當時出現救一也嘅，正正就係腰帶所幻化成嘅「付喪神」桐葉。隨着桐葉嘅現身，一也開始學習面對同解決許多離奇現象，逐漸理解攸關母親不為人知嘅過去；與此同時，攸關人類同「付喪神」之間嘅問題亦逐漸浮出枱面。

而第一季TV動畫完結後，喺《怪怪守護神紳士俱樂部2019年特別篇》呢個節目中，官方就宣布TV動畫第二季製作決定嘅消息！TV動畫第二季依然由倉谷涼一擔任監督以及編劇，並由ZERO-G擔綱製作，預定將於2020正式播出！