賓菲加19歲天才前鋒菲歷斯(Joao Felix)，較早前喺歐霸盃面對法蘭克福個人交出3入球1助攻，帶領球隊首回合主場以4:2擊敗對手，晉級賽事4強在望。而就喺呢場比賽後菲歷斯可以話一鳴驚人，唔少球隊已經對佢虎視眈眈，甚至有傳祖雲達斯願意以出價1.2億歐元支付其違約金。

而除左身價水漲船高之外，菲歷斯身邊應該會越黎越多「著數」，不過對於佢黎講卻可能係煩惱。

菲歷斯接受訪問時透露：「成功為我帶來唔少野，其中包括女孩。喺社交平台，有唔少女孩都給我發相片，其中包括裸照。不過目前嘅我並唔唔需要女朋友，我仍然好年輕，一切都仲有好多時間。」

明顯如今嘅菲歷斯非常專注於自己嘅足球事業上，因為佢堅信自己接下來會繼續可以取得成功，到時點會怕無女孩埋身。相反如果而家就分心，好容易影響自己嘅未來，佢嘅心態都真係幾成熟。