{ SKIP }
文:MenClub 波特先生  圖:互聯網
POSTED ON 18 Apr 2019

尋晚最後兩場嘅歐聯八強次回合,利物浦可以話以絕大優勢下輕鬆擊敗波圖,兩回合計大勝6:1晉身四強,而對手將會係「地上最強」巴塞隆拿。而曼城vs熱刺嘅英超打吡則精彩得多,最終曼城終於得償所願,獲得媒體嘅關注,但可惜嘅係因為佢地陰溝裡翻船。

面對英超非常熟悉嘅對手,曼城首回合種下禍根,領隊哥迪奧拿竟然收起三位主力,又喺落後嘅情況下遲遲唔肯換入擔任後備嘅主力們,最終被對方主場1:0贏波。雖然話作客輸1球情況唔算非常嚴峻,再加上曼城攻力十足,所以有信心回到主場贏波係可以明白的,但哥帥明顯計漏左作客入球嘅重要性。

回到主場,曼城終於排出最強陣,並早喺4分鐘就憑住史達寧嘅入球追成平手,但咁樣並唔足以令曼城晉級,所以佢地只可以繼續進攻。相反,熱刺因為無被作客入球嘅壓力,所以佢地踢得相當冷靜,佢地等待嘅只係反擊入球嘅機會,而機會唔使多,1球足以令曼城陷入絕境。

而好快孫興民喺禁區頂嘅入球就將曼城打入深淵,因為呢個入球令曼城要入兩球先有可以晉級。而呢個情況就令曼城急於進攻,變相後防相對空虛,最終熱刺僅於3分鐘後憑孫興民再入一球,兩回合計領先到3:1,仲要有兩個作客入球,熱刺可以話已經手握半個四強資格。

當然曼城無咁快放棄,佢地隨即火力全開,憑具拿度施華同史達寧各入一球,將比分再一次追平,兩回合計3:3平手,但因為作客入球優惠,所以佢地只能夠繼續攻。終於,佢地喺下半場憑住阿古路嘅近門勁射近柱,成功兩回合計贏到4:2,主動權終於喺佢地手上。

但可惜嘅係,熱刺喺73分鐘由後備前鋒洛蘭迪近門撞入,雖然呢球有疑似手球嘅嫌疑,但球證仍然判入球有效。

而喺比賽進入最後補時階段,亦都會比賽最緊張嘅時間,曼城成功憑住一次防守反擊,由史達寧射破熱刺大門!但正當全場球迷慶祝緊絕殺熱刺嘅時候,球證決定要睇VAR,而結果竟然係話曼城先越位,所以入球被判無效。對於呢個結果,曼城領隊哥迪奧拿接近崩潰,佢嘅表情可以話你知佢有幾難相信呢個決定。

最終球證雞聲一響,熱刺憑住作客入球優惠擊敗曼城,晉身歐聯四強!而落敗嘅曼城球員相當失望,而領隊哥迪奧拿就更加失落跪地,相當失望。

上次條片又紅又暗睇唔清?「好彩」嘅係最新又有流出相同片啦,仲係光天化日之下,睇哂新蝙蝠裝同蝙蝠電單車嘅全相添!
hobby
新片流出 《Batman》盔甲、電單車露全相
24 Feb 2020
【台灣街頭藝術】魔神英雄傳Graffiti 華人也能自由創作 改變街頭文化 Graffiti噴畫街頭藝術,係上一輩的人眼中可能是唔正經,反叛的代名詞,然而凡事都有正反兩面,當一個社會地區正正常常穩定自由,藝術才會開 ...
hobby
【台灣街頭藝術】魔神英雄傳Graffiti 華人也能自由創作改變街頭文化 ... ...
24 Feb 2020