【邊個劇透就….】劇透王蜘蛛俠Tom Holland缺席美國《Avengers: Endgame》首映禮….

湯姆·賀蘭無出席復仇者聯盟美國週一首映盛會，引起熱議，結果佢自爆自己原來缺席同劇透無關，只是行唔開比另一套電影困身，佢原來係美國另一邊的阿拉巴馬州拍攝緊一部後未世科幻驚駭片《Chaos Walking》，所以無法飛去紐約參加首映。

Tom Holland係較後期加盟的英雄，佢係2016年加入Marvel Cinematic Universe，最初登場係電影美國隊長：英雄內戰當中。呢位22歲的演員在備受期待的Marvel超級英雄電影蜘蛛俠中擔當主角，他日前利用自己的Instagram解釋佢唔出席的原因。

雖然他錯過了盛典，但荷蘭仔仍然花時間感謝Marvel影迷的支持。

自從成為年輕的蜘蛛俠後，佢星途同工作一直都受人稱贊，蜘蛛俠是Marvel世界中重要的角色，佢理所當然也是擔任下一套作品蜘蛛俠：決戰千里（Spider-Man: Far From Home）的主角，而且仲係Marvel第三階段的最絕終局。不過係演藝生涯中，佢曾因為多次因多口意外劇透電影的節情而「賴野」。

他出名在於好早之前早過Marvel宣佈就主動同大家高聲講將會有兩套蜘蛛俠電影會上映，佢也是第一個分享透露蜘蛛佈決戰千里電影資訊，而在無限戰爭一役，佢最先係劇透左復仇者聯盟3無限戰爭的化灰劇情。

凡此種種過去，令蜘蛛仔成劇透王，更激發了Russo兄弟在拍攝復仇者聯盟：終局之戰時禁止左蜘蛛仔受訪問權利。而且無比到劇本佢，蜘蛛俠拍終局之戰只得到佢自己的對白稿，佢大部份時間唔知自己拍緊咩野，導演用非常模糊的術語和方式向佢描述大概拍緊咩，令佢自己都唔知自己做緊咩無從劇透。

當然，你話自己無出席首映有原因，我地只能相信，但劇透果然是放諸四海皆神憎鬼厭。不過其實大家又好期待快D劇透下蜘蛛俠的新料……..世界有時總需要多口仔，但唔係呢個星期！！