{ SKIP }
文:米  圖:互聯網
POSTED ON 09 May 2019

《中華一番!》係日本漫畫家小川悅司嘅作品,喺連載後期改為《真・中華一番!》,不過對香港嘅巴打而言,應該叫返《中華一番!》呢個名會來得更親切,所以以下都會照叫舊名《中華一番!》。話說《中華一番!》自1995年起至1999年連載於《週刊少年Magazine》,單行本共17本,此外仲有改編成動畫版同真人電視劇添。

對於8、90後嘅巴打嚟講,《中華一番!》絕對係一部經典嘅料理作品,不同於一般嘅料理動漫,《中華一番!》除咗好似其他料理動漫咁,以超現實誇張手法同扭曲神情彰顯食物嘅美味之外,佢嘅世界觀仲好龐大,會創造出異想天開嘅烹飪方式,例如「一瞬間支解水牛嘅刀法」、「用燃燒嘅長江烤魚」、「喺砧板上切好嘅肉會自動飛入鍋中」等不合常理嘅調理方式。廚師仲會使用如格鬥漫畫般嘅必殺技嚟烹飪,用菜刀等廚具用嚟互相砍殺嘅武打場景亦非常多,呢啲場面喺料理漫畫中亦唔多見,可以講係《中華一番!》最特別嘅地方。

而《中華一番!》嚟緊會再度改編為同名TV動畫(提一提大家,《中華一番!》而家係叫《真・中華一番!》),官方最近就公開咗PV宣傳影片,一齊睇過!

好令人懷念...
hobby
【復古經典】用任天堂超任手制玩Switch!
19 Sep 2019
拿度的馬略卡精神,多少同香港精神異曲同工
hobby
玄火 -【拿度:呀~】馬略卡精神
19 Sep 2019