{ SKIP }
文:MenClub 波特先生  圖:互聯網
POSTED ON 20 May 2019

德甲煞科戰,最終結果再一次係由拜仁慕尼黑奪得聯賽冠軍,今次已經係佢地連續第7年奪冠,德甲霸主可以話當之無愧。不過今季有啲唔同嘅係,拜仁並無以絕大優勢提前多輪奪冠,而係要戰至最後煞科日先可以定到冠軍誰屬,係佢地近7年奪冠中首次出現的。

圖片來源:thedailynewnation.com

最後一週嘅比賽,拜仁只係領先聯賽第二嘅多蒙特2分,所以佢地絕對唔可以鬆檞,只為如果多蒙特贏波而拜仁落敗的話,咁樣冠軍將會落入蜜蜂軍隊手中。不過,喺主場安聯球場出擊嘅拜仁又點會咁容易輸呢,更何況呢場係拜仁兩位傳奇列貝利同埋洛賓嘅聯賽告別戰。

最終,拜仁眾望所歸喺主場輕鬆以5:1大勝對手法蘭克福,順利奪得聯賽冠軍。而更令拜仁球迷高興嘅係,呢場比賽雙雙後備入替嘅列貝利同埋洛賓都成功取得入球,其中列貝利嘅入球就更加係有代表性,就係憑個人技術喺兩名防守球員中間突破,然後輕輕一擳成功越過門將取得入球。對於列貝利同洛賓黎講呢個結局真係可以話係最完美。

36歲嘅列貝利,2007年加入拜仁,至今已經踢左12個球季,係球隊多年黎嘅代表人物,為球隊上陣嘅場次達到424場,並為球隊一共攻入124球,並交出182球助攻,其中助攻係拜仁隊史第一位,亦即係佢係拜仁歷史嘅助攻王。

View this post on Instagram

而列貝利為球隊奪得嘅獎盃數量亦不計其數,包括今年嘅德甲冠軍,佢一共為拜仁拎左9次聯賽冠軍、5次德國盃冠軍、1次歐聯冠軍、1次世冠盃冠軍等等,而黎緊拜仁亦將會出戰今年嘅德國盃決賽,所以佢將有機會再收獲一個冠軍獎盃。

另外列貝利多年嘅好拍檔洛賓,則喺2009年加入拜仁,35歲嘅佢一共為球隊上陣308場,攻入144球。

列貝利同洛賓嘅雙翼齊飛,相信喺唔少球迷心中都係經典,但係時代都係有終結嘅時候,我地就將最美好嘅記憶一路記喺心入面啦。

由George R.R. Martin創作嘅《A Song of Ice and Fire》(冰與火之歌)係過去30年中最著名嘅奇幻小說系列之一,其改編而成嘅HBO劇集《Game of Thrones》亦曾一度佔據「神劇」位置。不過其實原著小說自2011年推出第五 ...
hobby
【影視】《Witcher》原作者表示同情G.R.R Martin 指《Game of Thones》劇集係新書拖延原因
02 Jul 2025
繼2015年《The Martian(火星任務)》大獲成功後,原作者Andy Weir所撰寫嘅另一部暢銷小說《Project Hail Mary(末日聖母號)》亦被搬上大銀幕。荷里活型男Ryan Gosling將飾演一名初中老師,為拯救人類獨自踏上太空 ...
hobby
【影視】科幻電影《Project Hail Mary》公開首部預告!Ryan Gosling為拯救全人類獨自上太空
01 Jul 2025