{ SKIP }
文:MenClub 波特先生  圖:互聯網
POSTED ON 20 May 2019

武磊可以話係現時中國足球嘅代表人物,佢係現今中國國家隊唯一一位能夠到歐洲踢波嘅球員,更甚嘅係佢竟然可以瞬速成為球隊主力,並且喺球隊關鍵嘅最後一場比賽成為英雄,呢一點相信應該無咩人估得到。

圖片來源:chinadaily.com

今季西甲煞科日,愛斯賓奴本來係被動的一隊,佢地雖然有機會爭奪來季歐霸盃外圍賽資格,但係就要睇畢爾包做人,因為愛斯賓奴唯一嘅機會就係不單止佢地自己要贏波,仲要畢爾包輸比西維爾。當然,西維爾唔係弱隊,但係其實佢地已經無野爭,所以動力相對要比畢爾包弱。

View this post on Instagram

ROBERTAZO  - #RCDE | #Volem | #EspanyoldeBarcelona | #EspanyolRealSociedad

A post shared by RCD Espanyol de Barcelona (@rcdespanyol) on

而愛斯賓奴只可以做好自己,其他只可以聽天由命。而愛斯賓奴與皇家蘇斯達嘅比賽,上半場佢地未能夠取得任何入球,呢個足以令球隊上下都開始緊張,因為如果佢地贏唔到波一切都只係空談。

下半場,羅沙里斯成功取得入球,愛斯賓奴成功取得領先,可以話叫做盡左自己最大程度上可以做到嘅野。另一邊廂,西維爾其實上半場44分鐘已經取得入球,但係佢地未能夠再擴大領先優勢,所以畢爾包仍然存有一線生機,只要佢地可以取得1個入球扳平比分,能夠獲得歐洲賽資格嘅仍然係佢地。

圖片來源:IC

當然,愛斯賓奴自己亦未完全安全,因為如果佢地稍一不慎被對方入球,咁樣佢地將會非常難踢落去。而喺比賽65分鐘佢地終於等到,武磊接應隊友嘅高空球傳送,獨自殺入禁區面對門將,佢非常冷靜處理呢球單刀,最終為愛斯賓奴獲得兩球嘅領先優勢,叫做為球隊真正可以保有贏波嘅優勢。


其實畢爾包個一邊本有機會喺臨完場前扳平比分,但卻過唔到條門楣,最後更被西維爾反擊得手,最終以0:2落敗。就係咁,愛斯賓奴奇蹟反超畢爾包登上聯賽第7位,獲得來季歐霸盃嘅外圍賽資格。

比賽完結,愛斯賓奴得知獲得歐洲賽資格,整個球場嘅球迷都陷入瘋狂,情況就好似贏得聯賽冠軍一樣,而武磊亦成為球迷嘅英雄,要知道愛斯賓奴喺加入武磊前,其實屬於聯賽下游球隊,甚至有降班危機,但後來武磊加盟後球隊情況大幅逆轉,最終更獲得歐洲賽資格,難怪球迷陷入瘋狂。

唔知你又覺得愛斯賓奴嘅逆襲,有幾多係關武磊事呢?

圖片來源:XINHUA
由Sydney Sweeney及Glen Powell主演嘅愛情喜劇《Anyone but You(真的狠愛你)》,在2023年聖誕檔期上映後大受歡迎,最終全球斬獲2.2億美元票房。其中一大賣點當然係兩人之間火花四射嘅化學反應,甚至一度被外界認為 ...
hobby
【影視】Glen Powell前女友爆分手內幕 不滿《Anyone But You》借緋聞宣傳手法
11 Jun 2025
繼公布哈利、妙麗及榮恩選角後,HBO劇集版《哈利波特》再揭曉9名演員人選,當中包括馬份父子,以及哈利嘅姨媽姨丈德思禮夫妻。 各位哈迷應該記得有,當哈利波特父母被殺害後,鄧不利多就將仲係BB仔嘅哈 ...
hobby
【影視】HBO劇集版《哈利波特》再揭9位選角!新版馬份父子、德思禮夫妻曝光
10 Jun 2025