{ SKIP }
文:MenClub 波特先生  圖:互聯網
POSTED ON 07 Jun 2019

「桌球皇帝」亨特利曾經被認定為桌球界嘅GOAT,往後應該好難再有球員能夠達到其高度。不過,「火箭」奧蘇利雲嘅出現,到其生涯後段仍然保持爆發性嘅穩定,令唔少球迷都覺得「火箭」將有力挑戰亨特利嘅地位,甚至已經超越了他。

當然,亨特利自己絕對唔希望奧蘇利雲超越自己,但係事實卻不容亨特利無視,對於奧蘇利雲嘅成就,亨特利亦直言「火箭」可能係桌球歷史上唯一一位有效結合成功及受歡迎嘅選手。

「火箭」雖然喺較早前嘅世錦賽中首圈意外不敵業餘選手卡希爾,但係呢個結果亦無損其最受歡迎球手嘅地位。

43歲嘅「 火箭」由1992年開始展開職業生涯,至今已經超過27年時間,而其成功嘅生涯及悅目嘅打法為佢累積非常多嘅球迷。

「火箭」目前生涯喺桌球三大賽入面已經獲得19冠,排名歷史第一。成功嘅生涯與受歡迎完美結合,呢一點並唔係咁容易做到,好多球手雖然受歡迎,但成功並未達到最頂級。對此,亨特利直言:「奧蘇利雲係歷史上唯一一位成功結合統治力及受歡迎嘅球手。」

「我與史提芬戴維斯可能都唔夠有趣,我地做嘅就係訓練然後贏得比賽,球們迷只係見到我地呢一面,佢地無辦法睇到我地展示自己嘅個性。」

「而係佢(火箭)生涯初期,佢被認為係希堅斯及韋特一樣嘅壞孩子,但「火箭」卻完全係高一個檔次嘅球手。」

「無論佢手上有幾多個冠軍,無人會想佢停落黎及娛樂觀眾。」

對於「火箭」,亨特利不乏讚美之詞,但佢卻認為「火箭」永遠不會知道與觀眾為敵係咩感覺,如果能夠睇到觀眾並不支持奧蘇利雲,呢個場面將會非常有趣。不過呢個只係亨特利嘅幻想,佢認為呢個情況根本無機會出現。

比唔比得過呢?
hobby
【遊戲專享?】Apple Arcade每月4.99美元,你比唔比?
23 Aug 2019
呢個雅典娜係…?
hobby
SNK《龍虎之拳》刺繡外套
23 Aug 2019