{ SKIP }
文:MenClub 波特先生  圖:互聯網
POSTED ON 04 Jun 2019

近日不少消息都指巴塞隆拿即將簽下馬體會神鋒基沙文,對於今季有點令人失望嘅「地上最強」黎講,基沙文將可以增加佢地前鋒線上嘅選擇。不過,最新嘅消息卻指巴塞內部更希望重新得到尼馬,而唔係簽下基沙文。

據較早前消息指,美斯曾要求巴塞董事會重新收購尼馬,因為美斯與尼馬的關係實際上是非常要好的,再加上美斯、尼馬及蘇亞雷斯當年嘅三叉戟威力驚人,所以黎緊巴塞重新組建呢個三叉戟係絕對有可能的。

當然,巴塞要重新收購尼馬係一件非常困難的事,雖然球隊大佬美斯有呢個諗法,但係球隊高層並未完全原諒當日強烈要要離隊嘅尼馬,再加上球隊亦未必能夠拎出咁大筆錢進行回購,同時PSG方面亦無迫切出售尼馬嘅需要。

雖然係咁,但係巴塞仍然有機會簽下尼馬的,因為佢地目前正有意出售古天奴,因此如果將古天奴加入收購尼馬嘅交易當中,咁樣就可以大大減低球隊嘅實際支出,同時又可以清理掉呢位唔適合嘅球員。

當日巴塞隆拿以2.2億歐元賣走尼馬,而古天奴則以1.6億歐元加盟巴塞,雙方轉會費相差6000萬歐元,究竟最終巴塞同PSG會唔會真係Deal?定還是只係簽基沙文就算?不過其實而家尼馬喺PSG情況都唔太樂觀,因為始終同麥巴比一山不能藏二虎,重新回到美斯身邊對佢黎講可能更加舒服。

著住佢去尋寶啦!
hobby
《Puma x 海賊王》Cell Venom系列第二彈登場!
17 Oct 2019
飛雲機會黎啦!!!
hobby
【新作確認】經典《魔神英雄傳》新作「七魂的龍神丸」2020年登場! ... ... ...
17 Oct 2019